მანუჩარ მარკოიშვილის ემილია ვენეციამ ჩაძირა

მანუჩარ მარკოიშვილის "რეჯო ემილიას" მშვენიერი შანსი ჰქონდა იტალიის ჩემპიონატის საპლეიოფო ზონას ერთ ნაბიჯზე მიახლოვებოდა. შინ "ვენეციას" დამარცხების შემთხვევაში მერვეადგილოსანს (პლეი ოფში სწორედ რვა გადის) ერთი მოგებითღა ჩამორჩებოდა, მაგრამ წყალ-ქალაქელებთან მეოთხე პერიოდი ჩააგდო და 76:81 დამარცხდა.

მესამე ათწუთეულის შემდეგ "რეჯო ემილია" 64:61-ს იგებდა, ბოლო პერიოდი კი 12:20 დათმო და სეზონში მე-14 მარცხი განიცადა. მოგებათა გრაფაში 10 უწერია. მასზე წინ მყოფ ოთხ გუნდს 12-12 გამარჯვება აქვთ და მერვე-მეთერთმეტე ადგილებს იყოფენ. აქედანაც ჩანს, რაოდენ მძაფრი ბრძოლა მიმდინარეობს პლეი ოფში მოხვედრისთვის. რეგულარული ეტაპის დასრულებამდე ხუთი ტურია დარჩენილი და მანუს გუნდს ძალების მაქსიმალური მობილიზება დასჭირდება ტოპ-8-ში მოსახვედრად.

რაც შეეხება "ვენეციასთან" მატჩს, მარკოიშვილმა 28 წუთში 2-2 ქულა-მოხსნა, 5 პასი და 3 ჩაჭრა გაიფორმა. ვენეციელთა გამარჯვებაში ლომის წილი დაიდო ჩვენთვის კარგად ნაცნობმა მარკიზ ჰეინსმა: ამერიკელმა უკანახაზელმა, რომელიც საქართველოს 2011 წლის ევრობასკეტზე დაეხმარა, "რეჯო ემილიას" 18 ქულა ჩაუგდო.

ემილიელებს მომდევნო მატჩი 15 აპრილს სტუმრად "ვარეზესთან" ელით.

1336
მკითხველის კომენტარები / 0 /
მსგავსი ამბები
რუბრიკის სხვა სიახლეები
;