მანუჩარ მარკოიშვილმა ზედიზედ მესამე მოიგო

იტალიის სერია A-ში მანუჩარ მარკოიშვილის "რეჯო ემილიამ" კრემონაში "ვანოლისთან" სტუმრად ითამაშა და ბოლო წამებზე 71:68 გაიმარჯვა. ეს გახლდათ ემილიელთა ზედიზედ მესამე მოგება.

მანამდე მათ თითო შეხვედრა იტალიის ჩემპიონატსა და ევროთასზე ჰქონდათ მოგებული. როგორც ჩანს, მანუს გუნდი საბოლოოდ ამოიქოქა. მას ხომ სეზონის დასაწყისში სერია A-ში ზედიზედ 6 წაგება ჰქონდა.

კრემონულ წარმატებაში მანუჩარს დიდი წვლილი მიუძღვის, რაც მხოლოდ ქულებში არ გამოიხატება. მან დაცვაში დიდი მოცულობის სამუშაო გასწია. სტატისტიკა კი ასეთი ჰქონდა: 32 წუთი, 9 ქულა, 7 მოხსნა.

მატჩის ბომბარდირი მისი თანაგუნდელი ამადეო დელა ვალე გახდა - 24 ქულა.

"რეჯო ემილიას" 8 ტურის შემდეგ 2 მოგება აქვს და ცხრილში მე-14 ადგილზეა.

კრემონაში გამართული მატჩის შემდეგ მანუჩარი გუნდთან ერთად რეჯო ემილიაში დაბრუნდა, საიდანაც გერმანიაში გადაფრინდება და საქართველოს ნაკრებს შეუერთდება.

1133
მკითხველის კომენტარები / 0 /
მსგავსი ამბები
რუბრიკის სხვა სიახლეები
;