მანჩესტერი და პსჟ ლევანდოვსკის უმიზნებენ

გერმანული გამოცემა "კიკერი" ამტკიცებს, რომ "ბაიერნის" შემტევ რობერტ ლევანდოვსკის "მანჩესტერ იუნაიტედი" და "პარი სენ-ჟერმენი" უტრიალებენ. მეორე მხრივ, "რეკორდმაისტერი" 30 წლის პოლონელთან ხელშეკრულების (მოქმედი 2021 წლამდეა) გაგრძელებას ცდილობს, თუმცა არ არის წინააღმდეგი, სხვა კლუბების წინადადებებიც განიხილობს...

იგივე "კიკერი" წერს, რომ "მანჩესტერმაც" და პსჟ-მაც "ბაიერნს" უკვე შესთავაზეს ლევანდოვსკის დათმობა, თუმცა არაფერია ცნობილი ფასზე - რად უღირს მიუნხენურ გრანდს პოლონელი და რამდენის გადახდას აპირებენ ინგლისური და ფრანგული გრანდები.

ლევანდოვსკი "ბაიერნში" 2014 წლიდან თამაშობს. მიმდინარე ბუნდესლიგის 32 მატჩში მან 22 გოლი (3 პენალტით) გაიტანა და 7 საგოლე პასი გააკეთა. ამას გარდა, ლევანდოვსკიმ ჩემპიონთა ლიგის 8 მატჩში 8-ჯერ გამოიჩინა თავი.

465
მკითხველის კომენტარები / 0 /
მსგავსი ამბები
რუბრიკის სხვა სიახლეები
;