მანჩესტერ სიტის საქმე სასამართლო პალატას გადაეცა. რეალურია ევროთასებიდან მოკვეთა?

"მანჩესტერ სიტის" მიერ ფინანსური "ფეარ პლეის" დარღვევასთან დაკავშირებით აღძრულ საქმეს ინგლისის სასამართლო პალატა განიხილავს. ამ ინფორმაციას თავად კლუბის პრესსამსახური ავრცელებს.

ადრეც ვწერდით, რომ საქმე ეხება დარღვევებს სასპონსორო და სატრანსფერო თანხებით მანიპულაციასთან დაკავშირებით. ეჭვია, რომ "მანჩესტერ სიტიმ" დაინტერესებულ ორგანოებს არასწორი ინფორმაცია მიაწოდა ამ თანხების ბრუნვაზე, რაც კლუბს ფინანსური "ფეარ პლეის" იგნორირებად ჩაუთვალეს. ეს მოხდა 2014 წელს და მაშინ "სიტი" 49 მილიონი ფუნტით (63 მილიონი დოლარი) დააჯარიმეს.

ინგლისური მედიის ინფორმაციით, სასამართლოს საგამოძიებო პალატის თავმჯდომარე ითხოვს, მოიკვეთოს "მანჩესტერ სიტი" ევროთასებიდან. შეგახსენებთ, რომ "სიტი" ჩემპიონი გახდა და შემოდგომიდან ჩემპიონთა ლიგის ჯგუფურ ეტაპზე უნდა ითამაშოს, ოღონდ... იმ შემთხვევაში, თუ მართლა სანქციებს არ გამოჰკრა ხელი...

462
მკითხველის კომენტარები / 0 /
მსგავსი ამბები
რუბრიკის სხვა სიახლეები
;