მანჩესტერ სიტი ჩემპიონთა ლიგიდან მოკვეთეს!

"მანჩესტერ სიტი" ჩემპიონთა ლიგიდან 2 წლით მოიხსნა, - ასეთი გადაწყვეტილება გამოიტანა უეფას სადისციპლინო კომიტეტმა. "ქალაქელები" ვერ ითამაშებენ ევროპის უმთავრესი საკლუბო ტურნირის 2020/21 და 2021/22 წლების სეზონებში. 

ამას გარდა, "მანჩესტერ სიტი" 30 მილიონი ევროს ჯარიმასაც გადაიხდის. საქმე ეხება 2012-16 წლებში ფინანსური ფეარ პლეის დარღვევას. კლუბის მესვეურები სპონსორულ შემოსავლებით მანიპულირებდნენ (ხელოვნურად ზრდიდნენ), რათა ზარალი დაემალათ.

უეფას გადაწყვეტილებაში ხაზგასმითაა ნათქვამი, რომ "მანჩესტერ სიტი" გამოძიებასთან არ თანამშრომლობდა. კლუბს შეუძლია, უეფას გადაწყვეტილება სპორტულ არბიტრაჟში (CAS) გაასაჩივროს.

სპეციალისტების დათვლით, ჩემპიონთა ლიგიდან ორწლიანი მოკვეთა იმას ნიშნავს, რომ "მანჩესტერ სიტის" სალარო დაახლოებით 300 მილიონის შემოსავალს ვერ მიიღებს.

601
მკითხველის კომენტარები / 0 /
მსგავსი ამბები
რუბრიკის სხვა სიახლეები
;