მარადონამ ბობანი რინგზე გამოიწვია

არგენტინული ფეხბურთის ლეგენდამ დიეგო მარადონამ განაცხადა, რომ დატოვა ფიფას ლეგენდების გუნდის კაპიტნის პოსტი. ამის მიზეზად დაასახელა მის მიმართ უპატივცებულობა ორგანიზაციის ხელმძღვანელობის მხრიდან.

იტყობინებიან, რომ არგენტინელს კონფლიქტი ჰქონდა ფიფას გენერალური მდივნის თანაშემწესთან ზვონიმირ ბობანთან ხორვატიის ერთ-ერთ სასტუმროში, სადაც ცხოვრობდნენ ფეხბურთელები, რომლებიც ფიფას ლეგენდების პროგრამაში მონაწილეობდნენ.

„გავუგზავნე წერილი ჯანი ინფანტინოს, რომელშიც ვაცნობე ფიფას ლეგენდების კაპიტნის პოსტიდან წასვლა.

მას შემდეგ, რაც ყოფილი პრეზიდენტი ბლატერი და არგენტინის საფეხბურთო ასოციაციის ექსპრეზიდენტი გრონდონა წავიდნენ, ფიფა საერთოდ არ შეცვლილა. ყველაფერი ძველებურადაა.

რამდენიმე ადამიანი მოგვათავსეს სასტუმროში. გვეპყრობოდნენ, როგორც პატარა ძაღლებს, რომლებსაც მხოლოდ კვება სჭირდებათ. არანაირი პატივისცემა.

აი, რატომ გადავდექი. ახლა, თანდათან ყველაფერს ვიტყვი ფიფას ახალი ხელმძღვანელობის შესახებ.

მინდა ვუთხრა ბობანს - თუ სურს კარგად გამოვიდეს ამ სიტუაციიდან, ვიწვევ მას საკრივო რინგზე. ის არ უნდა გამოცხადებულიყო სასტუმროში და გამოეხატა უკმაყოფილება.

ყველაზე ცუდი ის არის, რომ ბობანი ვიღაცის მიერ იყო გამოგზავნილი. და ეს ვიღაც არის - ინფანტინო. 20 წლის ბიჭი აღარ ვარ. 58 წლის ვარ. მტკივა, რადგან მჯეროდა ამ ადამიანების. ახლა, მათი აღარ მჯერა“, - თქვა მარადონამ.

ყოველდღიური სპორტული გაზეთი "ლელო"
1030
მკითხველის კომენტარები / 0 /
მსგავსი ამბები
რუბრიკის სხვა სიახლეები
;