მარკოიშვილის რეჯიო ემილიამ ლიონი დაამარცხა

ევროთასის ჯგუფური ეტაპის მე-6 მატჩში H ჯგუფის ლიდერთა დაპირისპირება გაიმართა. მანუჩარ მარკოიშვილის "რეჯიო ემილიამ" ლიონის "ასველს" უმასპინძლა და 75:68 დაამარცხა.

ქართველმა ლეგიონერმა მოედანზე 21 წუთი გაატარა. მარკოიშვილი გუნდს 7 ქულით, 2 მოხსნითა და 1 შედეგიანი გადაცემით დაეხმარა.

იტალიელებს ამედეო დელა ვალემ 19 ქულით ულიდერა, ფრანგთა შორის კი ყველაზე მეტი ქულა ჯასტინ ჰარპერმა (14) მოაგროვა.

ამ გამარჯვებით "რეჯიომ" H ჯგუფის პირველი ადგილი დაიკავა.

შემდეგ შეხვედრას "რეჯიო" იტალიის ჩემპიონატში "კაპო დ'ორლანდოს" წინააღმდეგ გამართავს. დაპირისპირება 11 თებერვალს შედგება.

ყოველდღიური სპორტული გაზეთი "ლელო"
786
მკითხველის კომენტარები / 0 /
მსგავსი ამბები
რუბრიკის სხვა სიახლეები