მარკოიშვილი რჩება! კალათბურთშიც და 'რეჯო ემილიაშიც'

იტალიური კლუბები ლეგა ბასკეტ სერია A-ს ახალი სეზონისთვის გამალებით ემზადებიან, მათ შორის "რეჯო ემილიაც", რომელიც ძირითადად დაკომპლექტებულია, დარჩენილია მხოლოდ ერთი ვაკანტური ადგილი ლეგიონერის პოზიციაზე, რომელსაც გუნდის ლიდერ მანუჩარ მარკოიშვილს უნახავდნენ.

საქმე ისაა, რომ მანუჩარმა მარცხენა მუხლი ისე დაიშავა, კარიერის გაგრძელებაც კი კითხვის ნიშნის ქვეშ იყო.

მარკოიშვილი ბელგიურ ანტვერპენში გადიოდა რეაბილიტაციის კურსს, როგორც ჩანს, ექიმების დასკვნა დადებითია, რადგან იტალიური მედია ამტკიცებს, რომ "რეჯო ემილიამ" გადაწყვეტილება უკვე მიიღო - კლუბი 31 წლის ქართველ მსროლელს ახალ, ერთწლიან კონტრაქტს უფორმებს.

ყოველდღიური სპორტული გაზეთი "ლელო"
679
მკითხველის კომენტარები / 0 /
მსგავსი ამბები
რუბრიკის სხვა სიახლეები
;