'მასტერქარდი' რაგბის კავშირის გლობალური პარტნიორია, შეთანხმებას ხელი ოფიციალურად მოეწერა

საქართველოს რაგბის კავშირმა და გლობალურმა საერთაშორისო კომპანია „მასტერქარდმა“ ურთიერთთანამშრომლობის შეთანხმებას ხელი ოფიციალურად მოაწერეს.

ეს ცნობილი და საკმაოდ პოპულარული ორგანიზაცია კიდევ ერთი პარტნიორი გახდა ქართული რაგბის მრავალ მეოხთან ერთად. ხელმოწერის ცერემონიალი ნუცუბიძის პლატოზე, ახლახან გახსნილ სარაგბო ბაზაზე შედგა.

ანდრაშ ჰემბერგი, ისრაელისა და საქართველოს „მასტერქარდის“ გენერალური მენეჯერი:

„ჩვენ სრულად ვიზიარებთ იმ დიდ სიყვარულსა და პატივისცემას, რაც ქართველებს რაგბის მიმართ გააჩნიათ. ის ქართული კულტურის განუყოფელი ნაწილია. მეამაყება, რომ რაგბის კავშირის პარტნიორები ვხდებით, რადგან სრულად ვიზიარებთ მის ღირებულებებს, შემართებასა და ოპტიმიზმს. წელს ჩვენ ვზეიმობთ საქართველოში მოღვაწეობის 20 წლის იუბილეს და რაგბის გულშემატკივრებს უამრავ სიურპრიზსა და ემოციას ვაჩუქებთ“.
გოჩა სვანიძე, რაგბის კავშირის პრეზიდენტი:

„დღევანდელი დღე კიდევ ერთი ნიშანია იმისა, რომ ქართული რაგბი სწორი მიმართულებით ვითარდება. ნებისმიერი ახალი პარტნიორი, რა მასშტაბისაც უნდა იყოს ის, ჩვენთვის მნიშვნელოვანი შენაძენია. თუმცა, პარტნიორობა მსგავსი მასშტაბის გლობალურ ბრენდთან ბევრ ახალ შესაძლებლობას გვაძლევს.

დარწმუნებული ვარ, ამ თანამშრომლობით ორივე მხარე მოგებული დარჩება. არც „მასტერქარდი“ და არც ჩვენ არ გავჩერდებით და ახალ-ახალი გამარჯვებებით უფრო მეტს მივაღწევთ“.

ყოველდღიური სპორტული გაზეთი "ლელო"
659
მკითხველის კომენტარები / 0 /
მსგავსი ამბები
რუბრიკის სხვა სიახლეები
;