მაურისიო პოჩეტინო: ძალიან კარგად ვიცით, როგორ უნდა გავიმარჯვოთ!..

"ტოტენჰემის" მწვრთნელმა მაურისიო პოჩეტინომ ფინალისწინა პრესკონფერენაციაზე თქვა, რომ მნიშვნელოვანია, მისი ფეხბურთელები მატჩის დროს თავისუფლად გრძნობდნენ თავს:

"დაუვიწყარი სეზონი გვაქვს ჩემპიონთა ლიგაში. ძალიან ბევრი სასიხარულო მომენტი გვქონდა, ბეწვის ხიდზეც გავიარეთ... ამ გუნდის მწვრთნელობა ჩემთვის ძალიან დიდი მოვლენაა. ყველა მოთამაშე მაქსიმალურად მობილიზებულია...

რაც შეეხება მეტოქეს, "ლივერპული" შესანიშნავი გუნდია, საუკეთესოა ინგლისში "მანჩესტერ სიტისთან" ერთად. უკანასკნელ ტურამდე იბრძოდნენ პრემიერლიგაში და ბრწყინვალე მატჩები ჩაატარეს ჩემპიონთა ლიგაშიც. 

ეს იურგენ კლოპის დამსახურებაა. ის ფანტასტიკური სპეციალისტია. ძალიან გვინდა, გავიმარჯვოთ და ისტორიაში შევიდეთ. და ძალიან კარგად ვიცით, რა უნდა გავაკეთოთო ამისთვის.

მთავარია, ფეხბურთელებმა მოედანზე თავისუფლად იგრძნონ თავი, ეს ისეთ თავისუფლებას გულისხმობს, როგორც ჩვენ ვთამაშობდით ბავშვობაში, ჭაბუკობაში... არ უნდა ვიფიქროთ, რომ მილიონობით ადამიანი გვიყურებს", - ამბობს პოჩეტინო. 

282
მკითხველის კომენტარები / 0 /
მსგავსი ამბები
რუბრიკის სხვა სიახლეები
;