მაურიციო სარის მუშაობა აუკრძალეს...

"იუვენტუსის" მწვრთნელმა მაურიციო სარიმ საავადმყოფო კი დატოვა, მაგრამ ექიმებმა 100 დღით აუკრძალეს ფიზიკური და გონებრივი დატვირთვა. გუშინ მან მცირე ხნით შეიარა "კონტინასაზე" და გუნდში დარჩენილ ფეხბურთელთა საწვრთნელ მატჩს მიადევნა თვალი...

გეხსომებათ, ორი კვირის წინ მას მწვავე პნევმონია (ფილტვების ანთება) დაუდგინეს, რის გამოც ჰოსპიტალში მოათავსეს და ჯერჯერობით არ უხელმძღვანელია "იუვესთვის" სერია A-ს ორ სასტარტო მატჩში. მისი ბოლო ოფიციალური მატჩი იყო 29 მაისს, როცა "ჩელსისთან" ერთად ევროპალიგა მოიგო.

ტურინელებმა პირველ ტურში სტუმრად 1:0 მოუგეს "პარმას", ხოლო შემდეგ შინ დრამატულ ბრძოლაში დაამარცხეს (4:3) საჩემპიონო კონკურენტი "ნაპოლი". ამ თამაშებში გუნდს სარის ასისტენტი ჯოვანი მარტუშელო მოძღვრავდა. 

1567
მკითხველის კომენტარები / 0 /
მსგავსი ამბები
რუბრიკის სხვა სიახლეები
;