მაურიციო სარი: არ დავნებდებით!

"ნაპოლის" მთავარმა მწვრთნელმა მაურიციო სარიმ განაცხადა, რომ "იუვენტუსთან" ჩამორჩენის მოუხედავად, მისი გუნდი ბოლომდე იბრძოლებს სკუდეტოსთვის. შეგახსენებთ, რომ "ნაპოლი" კვირას გასვლაზე უგოლოდ დაუზავდა "ინტერს", ხოლო "იუვენტუსმა" შინ "უდინეზე" დაამარცხა (2:0) და თუ ხვალინდელ გამოტოვებულ მატჩში საკუთარ კედლებში "ატალანტასაც" აჯობებს, მდევართან დისტანციას ოთხ ქულამდე გაზრდის.

ამას ემატება ისიც, რომ სკუდეტოს ორ პრეტენდენტს შორის მეორე წრის მატჩი 22 აპრილს ტურინში უნდა გაიმართოს და "ბებერი ქალბატონის" შანსებს ეს კიდევ უფრო ზრდის.

"ჩვენ არ ვართ იტალიის ყველაზე მდიდარი კლუბი და ეს ძალიან კარგად ვიცით. "ინტერთან" მატჩში გვქონდა რამდენიმე რეალური საგოლე მომენტი, განსაკუთრებით მეორე ტაიმში. სამწუხაროდ, გოლის გატანა ვერ მოვახერხეთ. ვიცით, რომ "იუვენტუსი" საჩემპიონო ბრძოლაში ფავორიტია, მაგრამ ჩვენ არავითარ შემთხვევაში არ დავნებდებით", - თქვა "ნაპოლის" მწვრთნელმა.

722
მკითხველის კომენტარები / 0 /
მსგავსი ამბები
რუბრიკის სხვა სიახლეები
;