მაურიციო სარი: ახლა ყველა მატჩი ფინალის ტოლფასია

სერია A-ს მორიგი ტურის დასკვნით შეხვედრაში ლიდერმა "ნაპოლიმ" გასვლაზე 5:0 გაანადგურა "კალიარი". მატჩის შემდეგ ნეაპოლელთა თავკაცმა მაურიციო სარიმ კონკრეტულად სარდინიულ გამარჯვებასა და საჩემპიონო პერსპექტივაზე ილაპარაკა:

"თავიდან, მატჩი დაძაბულად დაიწყო. ჩვენი მოწინააღმდეგე თამაშში იყო მანამ, ვიდრე ჩვენ პირველ გოლს გავიტანდით. მერე ყველაფერი შეიცვალა. მადლობა ჩემს ფეხბურთელებს! ბიჭებმა შესანიშნავად ითამაშეს. მე ყოველთვის ვეუბნები მათ, რომ "იუვენტუსი" მოიგებს ყველაფერს და თუ გვინდა ჩემპიონობა, სწორედ ასე უნდა მოვიქცეთ ჩვენც. ფეხბურთელებში ძალიან დიდ ენთუზიაზმს ვხედავ და ეს ძალიან მახარებს. ვეცდებით, ბოლომდე შევინარჩუნოთ ინტრიგა. არკადიუშ მილიკი? ის ძალიან კარგად გამოიყურება. ვფიქრობ, მის დაბრუნებამდე ბევრი დრო აღარ დარჩა. ჩვენთვის ახლა ყველა მატჩი ფინალის ტოლფასია", - თქვა სარიმ.

736
მკითხველის კომენტარები / 0 /
მსგავსი ამბები
რუბრიკის სხვა სიახლეები
;