მაურიციო სარი: თუ აზარს წასვლა უნდა, შეუძლია, წავიდეს

როგორც ჩანს, ედენ აზარის "რეალში" შესაძლო გადასვლა მომავალი ზაფხულის მთავარი თემა იქნება. ბელგიელი შემტევი თავადაც არ მალავს, რომ "რეალში" თამაშის პერსპექტივა ძალიან ხიბლავს, თუმცა ისიცაა, რომ მას კონტრაქტი კიდევ 18 თვით აკავშირებს "ჩელსისთან".

რა თქმა უნდა, "არისტოკრატების" მწვრთნელი მაურიციო სარი აზარის წასვლის წინააღმდეგია, თუმცა კარგად ესმის, რომ თუ ფეხბურთელის და კლუბის სურვილი იქნა, ამ ტრანსფერს წინ ვერ აღუდგება. ამიტომ, ჩათრევას ჩაყოლას ამჯობინებს:

"თუ ედენს წასვლა უნდა, შეუძლია, წავიდეს. ის უკვე 28 წლისაა... თუმცა მე სხვა აზრის ვარ. იმედი მაქვს, აზარი დარჩება. მას აქვს იმის პოტენციალი, რომ ამ დროისთვის ევროპის საუკეთესო ფეხბურთელი იყოს. ხანდახან ის ბედნიერია, ხანდახან - ნაკლებად. ჩემი, როგორც მწვრთნელის მოვალეობაა, დავეხმაროს მას იმაში, რომ გახდეს საუკეთესო", - ამბობს სარი.

ის ადარებს კალუმ ჰადსონ-ოდოის სიტუციას. სარის თქმით, 18 წლის შემტევისა და აზარის მდგომარეობა ერთმანეთისგან განსხვავდება:

"განსხვავება ის არის, "ჩელსის" არანაირი სურვილი არ აქვს და არაინაირ ფასად არ აპირებს ჰადსონ-ოდოის გაყიდვას "ბაიერნში" - არც მომავალ ზაფხულს და არც მერე. მისთვის "ჩელსი" ისეა, როგორც საკუთარი სახლი", - დასძენს 60 წლის იტალიელი სპეციალისტი.

ყოველდღიური სპორტული გაზეთი "ლელო"
416
მკითხველის კომენტარები / 0 /
მსგავსი ამბები
რუბრიკის სხვა სიახლეები
;