მაურიციო სარი ძალიან გაბრაზებულია: ეს ჩელსი არ არის მოტივირებული დიდი გამარჯვებებისთვის

შაბათს "ჩელსი" 0:2 დამარცხდა "არსენალთან", რომელსაც ბოლო დროს ძალიან აკრიტიკებდნენ. მაგრამ უნაი ემერიმ შეძლო გუნდის მობილიზება და მოიგო უმნიშვნელოვანესი მატჩი - კიდევ ერთი პრინციპული ლონდონური დერბი "ტოტენჰემის" (4:2) შემდეგ.

რაც შეეხება "ჩელსის". მაურიციო სარი ასეთი გაბრაზებული არავის ახსოვს. იტალიელმა სპეციალისტმა პრესკონფერენციაზე მკაცრად ილაპარაკა თავის გუნდზე. ის არ მოერიდა ფეხბურთელების კრიტიკას, თუმცა არც საკუთარი თავი დავიწყნია - ყველა ერთად ვიზიარებთ ამ წაგებასო.

სარის პრესკონფერენციის საინტერესო ფრაგმენტები: 

"ძალიან, ძალიან გაბრაზებული ვარ. ეს წაგება არის პირველ რიგში ჩვენი მენტალიტეტის ბრალი, ვიდრე სხვა, მათ შორის წმინდა საფეხბურთო ფაქტორების. მე ვერ მივიღებ ამ მიზეზს. შეიძლება, კრიტიკას იმსახურებდეს თამაშის ხარისხიც, მაგრამ როცა წაგების მიზეზი მენტალიტეტია, კიდევ ერთხელ ვამბობ - ამას ვერ მივიღებ! არადა, სწორედ ეს არის მიზეზი. ჩვენ გვქონდა ანალოგიური პრობლემა "ტოტენჰემთან" მატჩში და მეგონა, რომ მას შემდეგ ეს პრობლემა წარსულს ჩავაბარეთ, მაგრამ... ფაქტია - "ჩელსის" ფეხბურთელთა ამ ჯგუფის მოტივირება ძალიან ძნელია".

...ისინი მენტალურად აგრესიულები არ არიან. არადა, ეს აგრესია უნდა იყოს ძალიან დიდი, რადგან ასე სჭირდება იმ მარათონს, რომელშიც ჩართულები ვართ და იმ მიზნებს, რაც დავისახეთ. მაგრამ ფაქტია, რომ ასე არ არის. ამის შეცვლაა სწორედ ძალიან ძნელი. შეიძლება ეს აგრესია მოვიდეს გუნდში იმ ფეხბურთელთან ერთად, რომელიც მოედანზე პასუხისმგებლობას აიღებს და რომელიც გაუძღვება ფეხბურთელებს, აჩვენებს მაგალითს და ასე შემდეგ. სამწუხაროდ, ამ გუნდს არ აქვს არც მენტალური და არც ხარისხობრივი სიმაღლე...

...რაც შეეხება წმინდა საფეხბურთო ასპექტებს, რა თქმა უნდა, ეს არ იყო ჩვენი თამაში. როცა ბურთს ვკარგავდით, იმის მაგივრად, რომ იქვე დაგვეწყო მეტოქის პრესინგი, ჩვეულებრივად ვბრუნდებოდით დაცვაში, მივრბოდით საკუთარი კარისკენ... იმის მაგივრად, რომ გვეთამაშა ერთი ან ორი პასით, ვაკეთებდით 7-8 ზედმეტ შეხებას ბურთთან. ასე აღარ უნდა ვითამაშოთ...

...მთავარია, ჩემმა ფეხბურთელებმა ზუსტად გაიგონ, რას ვითხოვ მათგან. ფეხბურთელი, რომელიც ამ დონეზე თამაშობს, არ უნდა უშინდებოდეს პასუხისმგებლობას, არ უნდა ეშინოდეს მწვრთნელთან შეცდომებზე ღიად საუბრის... წინააღმდეგ შემთხვევაში, მათ პრემიერლიგაში არაფერი ესაქმებათ".

690
მკითხველის კომენტარები / 0 /
მსგავსი ამბები
რუბრიკის სხვა სიახლეები
;