მბაპემ ტრანსფერი მოითხოვა? 

“პარი სენ-ჟერმენის” ფორვარდმა კილიან მბაპემ პარიზული კლუბის ხელმძღვანელობას სხვა გუნდში გაშვება მოსთხოვა, - ამტკიცებს El Chiringuito. ჭორების მიხედვით, 20 წლის ფრანგს კარიერის გაგრძელება “რეალში” სურს.

შეგახსენებთ, რომ 19 მაისს, ლიგა 1-ის 2018/19 წლების სეზონის საუკეთესო ფეხბურთელის პრიზის მიღებისას, მბაპემ მიანიშნა კლუბის შესაძლო დატოვების შესახებ. იმ საღამოს კილიანმა განაცხადა, რომ მზად არის საკუთარ თავზე აიღოს მეტი პასუხისმგებლობა, იქნება ეს “პარი სენ-ჟერმენში” თუ რომელიმე სხვა კლუბში.

გასულ სეზონში მბაპემ 32 გოლი გაიტანა და ცხრა შედეგიანი პასი შეასრულა ლიგა 1-ის 28 მატჩში.

მბაპე შეიძლება გახდეს მესამე ხმაურიანი შენაძენი “რეალისთვის” ზაფხულის სატრანსფერო ფანჯრისას. ორი დღის წინ, მადრიდულმა კლუბმა გამოაცხადა “აინტრახტიდან” ლუკა იოვიჩის შეძენის შესახებ, უახლოეს პერიოდში კი უნდა გააფორმოს “ჩელსიდან” ედენ აზარის გადასვლა.

ყოველდღიური სპორტული გაზეთი "ლელო"
612
მკითხველის კომენტარები / 0 /
მსგავსი ამბები
რუბრიკის სხვა სიახლეები
;