თბილისის 'დინამოში' 'ბარსელონას' მეკარე მოდის

თბილისის „დინამო“ უახლოეს მომავალში ესპანელ მეკარეს ელოდება. ვინ შეიძლება იყოს ის? რა თქმა უნდა, ამას მაშინ შევიტყობთ, როცა ის თბილისში ჩამოვა და გუნდთან ერთად დაიწყებს ვარჯიშს. ეს შორეული მომავლის საქმე ნამდვილად არ უნდა იყოს, პირიქით, როგორც შევიტყვეთ, ის სადაცაა ჩამოვა.

რა თქმა უნდა, მასზე დაზუსტებით მხოლოდ ამის შემდეგ შეგვეძლება წერა. ამ დროისთვის კი ჩვენმა წყარომ ორი კანდიდატურა დაგვისახელა. პირველი, ეს არის 25 წლის ალბერტო ვარო. მას სხვადასხვა დროს უთამაშია „პობლა მანუფეტში“, „ჟიმნასტიკში“, „ბარსელონას“ მეორე გუნდსა და „ლუგოში“.

მეორე კანდიდატურაა ასევე 25 წლის ხოსე პერალეს ნახერა. მას არაერთ ესპანურ კლუბში უთამაშია, მათ შორის, „ჟიმნასტიკში“, მისი ბოლო კლუბი კი „ბადალონა“ გახლდათ.

ვნახოთ, ვინ შეუერთდება „დინამოს“ - ამ ორიდან ერთი მეკარე თუ სხვა. ეს ისეთი ინფორმაციაა, მისი გადამოწმება სხვა წყაროსთან ვერ შევძელით. დაზუსტებულ ცნობას კი, დიდი ალბათობით, ჩვენი გაზეთის მომდევნო ნომერში მოგაწვდით.

ყოველდღიური სპორტული გაზეთი "ლელო"
2446
მკითხველის კომენტარები / 1 /
Vazha ramos
0
Amas jobia makaridze iyidosken
მსგავსი ამბები
რუბრიკის სხვა სიახლეები
;