მეოთხე ცვლილება სეზონში! 'კოლხეთში' დემიდოვი დააბრუნეს

ფოთის "კოლხეთს" კიდევ ერთი მთავარი მწვრთნელი დაუნიშნეს - კლუბის პრესსამსახურის ინფორმაციით, გუნდში რუსი სპეციალისტი ვიქტორ დემიდოვი დაბრუნდა და გუნდი უკვე ავარჯიშა კიდეც.

წლეულს ეს ფოთში მეოთხე სამწვრთნელო ცვლილებაა. შეგახსენებთ, სეზონი რუსმა კონსტანტინ გალკინმა დაიწყო, რომელიც ორი ტურის შემდეგ დაითხოვეს და ლანჩხუთის "გურიაში" ნამუშევარი დემიდოვით ჩაანაცვლეს. მაგრამ ამ უკანასკნელმა მეორე წრის დაწყებამდე ვერ გაძლო და ივლისში, "კოლხეთში" მისულმა საინვესტიციო ჯგუფმა, ჩვენთვის მანამდე კარგად ცნობილი რობერტო ლანდი ჩამოიყვანა. მაგრამ ერთ თვეში იტალიელი სპეციალისტის გადადგომის ამბავიც გამოცხადდა.

24 აგვისტოდან გუნდს დროებით ნუგზარ თვარაძე ავარჯიშებდა. ეროვნული ლიგის ბოლო ორ ტურში "კოლხეთი" მოედანზე მთავარი მწვრთნელის რანგში სწორედ მას გაჰყავდა. მაშინ ითქვა, რომ კლუბის ხელმძღვანელობა ახალი მთავარი მწვრთნელის მიწვევაზე მუშაობდა, რომლის ვინაობა უახლოეს პერიოდში გახდებოდა ცნობილი...

მაგრამ მას შემდეგ ორი კვირა გავიდა და... კოლხებს ისევ დემიდოვი შერჩათ ხელში. როგორც ჩანს, "კოლხეთში" მის გარდა მუშაობა არავინ ისურვა. რატომ, რა დამსახურებისა და წარმატებისთვის დააბრუნეს გუნდში დემიდოვი, უცნობია. ფაქტია, რომ მწვრთნელთა ასეთი ხშირი შეცვლით "კოლხეთს" უკეთესობა არ ეტყობა.

დემიდოვი გუნდს მოედანზე 16 აგვისტოს გაიყვანს, როცა ეროვნული ლიგის მორიგ ტურში "კოლხეთი" თბილისში "რუსთავს" "ესტუმრება"

ყოველდღიური სპორტული გაზეთი "ლელო"
898
მკითხველის კომენტარები / 0 /
მსგავსი ამბები
რუბრიკის სხვა სიახლეები
;