მერაბ ჟორდანია: ქართულ ფეხბურთზე ლაპარაკიც არ მსურს

საქართველოს ნაკრების მცველის, გურამ კაშიას არნემის "ვიტესის" მთავარ მწვრთნელად დანიშნული ლეონიდ სლუცკი გუნდს ზაფხულიდან გაწვრთნის.

რუსულმა გამოცემა "სპორტ-ეკსპრესმა"ამ თემაზე ინტერვიუ თბილისის "დინამოს" და საქართველოს ფეხბურთის ფედერაციის ყოფილ პრეზიდენტს, მერაბ ჟორდანიას ჩამოართვა, რომელიც არნემულ კლუბს 2010-2013 წლებში ხელმძღვანელობდა.

"თავის დროზე, "ვიტესში" სლუცკის დანიშვნა მეც მსურდა, მაგრამ ვერ მოავსწარი. ეს ის პერიოდია, სანამ ის ევგენი გინერმა მოსკოვის ცსკა-ში გადაიყვანა. შანამ ჩვენ ვფიქრობდით, გინერმა დაგვასწრო. მერე კი იცით, რომ მან ამ გუნდში დიდ წარმატებას მიაღწია. მოხარული ვარ, სლუცკი "ვიტესში" ახლა მაინც რომ დაინიშნა" - ამბობს მერაბ ჟორდანია.

ამჟამად რას საქმიანობს ჟორდანია? იყო ინფორმაცია, რომ მალტურ კლუბ "ვალეტასთან" იყო დაკავშირებული: "მალტაში მე მეგობარს ვეხმარებოდი. ის ბიზნესმენია და მიმიწვია, რადგან საფეხბურთო პირი ვარ. თანამშრომლობა წარმატებული გამოდგა - გუნდი მაშინვე მოიგო ჩემპიონატიც და თასიც. ზოგადად, სულ ფეხბურთით ვცხოვრობ, შესაძლოა, არა ყოველდღე, მაგრამ მაინც საფეხბურთო სამყაროში ვრჩები, მაგრამ საქართველოში - ნაკლებად. ქართული ფეხბურთის შესახებ არ მელაპარაკოთ. ამ თემას კომენტარის გარეშე დავტოვებ. ძალიან გაბრაზებული ვარ იმაზე, რაც მოხდა და რაც ხდება. ქვეყანა ნიჭიერი ფეხბურთელებით ძალიან მდიდარია, მაგრამ ყველაფერი დაანგრიეს... თავის დროზე, ფეხბურთის ფედერაციის პრეზიდენტი ვიყავი, მაგრამ მაშინდელმა მთავრობამ ყოველმხრივ შევიწროება დამიწყო, თანამდებობა დამეტოვებინა რომ. მაშინ დამაპატიმრეს კიდეც! მაგრამ ჩემ წინააღმდეგ იბრძოდნენ და ქართული ფეხბურთი დაამარცხეს".

1433
მკითხველის კომენტარები / 0 /
მსგავსი ამბები
რუბრიკის სხვა სიახლეები