მესიმ ბარსელონას ახალ კონტრაქტზე უარი უთხრა

ლიონელ მესი "ბარსელონასთან" კონტრაქტს არ გააგრძელებს. "მარკას" ინფორმაციით, ფეხბურთელსა და კლუბს შორის მოლაპარაკებები უშედეგოდ დასრულდა. "ბარსა" მესის სამუდამო ხელშეკრულებას სთავაზობდა, მაგრამ უარი მიიღო.

მოქმედი კონტრაქტი 2020/21 წლების სეზონის ბოლომდეა გაფორმებული. მიუხედავად უარისა, მესი არ აპირებს "ბარსელონას" დატოვებას. უბრალოდ, არგენტინელის სურვილია, დარწმუნდეს საკუთარ ფიზიკურ შესაძლებლობებში და იმაშიც, შეძლებს თუ არა ძველებურად უმაღლეს დონეზე თამაშს.

მიმდინარე სეზონში მესიმ ლა ლიგაში 7 მატჩი ჩაატარა, 8 გოლი გაიტანა და 4 საგოლე პასი გააკეთა.

1047
მკითხველის კომენტარები / 0 /
მსგავსი ამბები
რუბრიკის სხვა სიახლეები
;