მესის მეექვსე ოქროს ბუცი, რონალდო პირველად სამეულს მიღმა...

ლიონელ მესიმ მეექვსედ (2010, 2012, 2013, 2017, 2018, 2019) მოიგო "ოქროს ბუცი". 2012/13 წლების სეზონში მან დაამყარა ფენომენალური რეკორდი, როცა 50 გოლი გაიტანა და 100 ქულა დააგროვა. ცნობისთვის, ქულები ენიჭება ლიგის სიძლიერის მიხედვით. მაგალითად, ტოპ 5-ში (ინგლისი, ესპანეთი, იტალია, გერმანია, საფრანგეთი) კოეფიციენტი არის 2. გოლების რაოდენობის ამ კოეფიციცენტზე გამრავლებით ვიღებთ საბოლოო ქულას.

ამ ფორმულის მიხედვით, 2018/19 წლების ევროსეზონის მეორე სნაიპერი კილიან მბაპე გახდა, რომელსაც "რეიმსთან" ბოლო ტურის მატჩში მესის დაწევის შანსი ჰქონდა, მაგრამ ვერ გამოიყენა. ევროპის საუკეთესო გოლეადორების ოცეული ასე გამოიყურება:

1. ლიონელ მესი (ბარსელონა, ესპანეთი): 36 გოლი (*2) – 72 ქულა
2. კილიან მბაპე (პსჟ, საფრანგეთი): 33 გოლი (*2) – 64 ქულა
3. ფაბიო კვალიარელა (სამპდორია, იტალია): 26 გოლი (*2) – 52 ქულა
4. მბაიე დიანი (ქასიმფაშა, თურქეთი): 30 გოლი (*1,5) – 45 ქულა
5-11. რობერტ ლევანდოვსკი (ბაიერნი, გერმანია): 22 გოლი (*2) – 44 ქულა
5-11. დუვან საპატა (ატალანტა, იტალია): 22 გოლი (*2) – 44 ქულა
5-11. პიერ-ემერიკ ობამეიანგი (არსენალი, ინგლისი): 22 გოლი (*2) – 44 ქულა
5-11. სადიო მანე (ლივერპული, ინგლისი): 22 გოლი (*2) – 44 ქულა
5-11. მოჰამედ სალაჰი (ლივერპული, ინგლისი): 22 გოლი (*2) – 44 ქულა
5-11. კშიშტოფ პიონტეკი (ჯენოა/მილანი, იტალია): 22 გოლი (*2) – 44 ქულა
5-11. ნიკოლა პეპე (ლილი, საფრანგეთი): 22 გოლი (*2) – 44 ქულა
12-17. ქარიმ ბენზემა (რეალი, ესპანეთი): 22 გოლი (*2) – 42 ქულა
12-17. ლუკ დე იონგი (პსვ ეინდჰოვენი, ჰოლანდია): 28 გოლი (*1,5) – 42 ქულა
12-17. ლუის სუარესი (ბარსელონა, ესპანეთი): 21 გოლი (*2) – 42 ქულა
12-17. კრიშტიანო რონალდო (იუვენტუსი, იტალია): 21 გოლი (*2) – 42 ქულა
12-17. სერხიო აგუერო (მანჩესტერ სიტი, ინგლისი): 21 გოლი (*2) – 42 ქულა
12-17. დუშან ტადიჩი (აიაქსი, ჰოლანდია): 28 გოლი (*1,5) – 42 ქულა
18. იაგო ასპასი (სელტა, ესპანეთი): 20 გოლი (*2) – 40 ქულა
19. კრისტიან სტუანი (ჟირონა, ესპანეთი): 19 გოლი (*2) – 38 ქულა
20. ჯეიმი ვარდი (ლესტერი, ინგლისი): 18 გოლი (*2) – 36 ქულა

აღსანიშნავია, რომ ბოლო 12 წლის განმავლობაში პირველად სამეულში ვერ მოხვდა კრიშტიანო რონალდო. აწ დასრულებულ სერია A-ში მან თავი "მხოლოდ" 21-ჯერ გამოიჩინა. ამაზე ცოტა (9) გოლი მან უკანასკნელად 2006 წელს, "მანჩესტერ იუნაიტედში" ყოფნისას გაიტანა. თუმცა რონალდოს შედარებით დაბალშედეგიანობამ ხელი არ შეუშალა "იუვენტუსს", მთელი 11 ქულით გაესწრო "ნაპოლისთვის".

საერთოდ, იტალიური სეზონისთვის ძალზე სპეციფიკური იყო ის, რომ სერია A-ს ბომბარდირი გახდა... 36 წლის ფაბიო კვალიარელა. "სამპდორიას" ვეტერანმა ფორვარდმა 26-ჯერ აიღო მეტოქეთა კარი.

1307
მკითხველის კომენტარები / 0 /
მსგავსი ამბები
რუბრიკის სხვა სიახლეები
;