მესი ბარსელონადან წავა, თუ...

„ბარსელონას“ კაპიტანმა ლიონელ მესიმ, შესაძლოა, დატოვოს გუნდი, - იტყობინება გამოცემა El Confidencial. ეს მოხდება იმ შემთხვევაში, თუ კატალონელები ვერ დააბრუნებენ „პარი სენ-ჟერმენიდან“ ნეიმარს. არგენტინელი ვარსკვლავი უკმაყოფილოა გუნდში მიმდინარე მდგომარეობით და შეიძლება გამოიყენოს მის კონტრაქტში არსებული განსაკუთრებული პუნქტი. ის საშუალებას აძლევს მესის სეზონის ბოლოს წავიდეს მშობლიური გუნდიდან.

„ბარსელონას“ განზრახული აქვს მესისთან კონტრაქტის გაგრძელება, მაგრამ ჯერ უნდა გადაწყვიტოს ბრაზილიელი ფორვარდის დაბრუნების საკითხი.

უფრო ადრე დიდი რეზონანსი გამოიწვია კონფლიქტმა მესისა და კლუბის სპორტულ დირექტორ ერიკ აბიდალს შორის. არგენტინელის უკმაყოფილების მიზეზი გახდა აბიდალის სიტყვები იმის შესახებ, რომ ყველა ფეხბურთელი კმაყოფილი არ იყო გუნდის ყოფილი მწვრთნელით ერნესტო ვალვერდეთი, ამიტომაც ბოლომდე არ იხარჯებოდნენ მოედანზე.

n n n

პორტალმა ProfootballDB-მ შეადგინა მოთამაშეთა რეიტინგი, რომლებიც XXI საუკუნეში ყველაზე ხშირად იტანდნენ გამარჯვების გოლებს. სათვალავში აიღეს მხოლოდ ის მოთამაშეები, რომლებიც TOP5 ქვეყნების ჩემპიონატებში თამაშობენ.

პირველ ადგილზე აღმოჩნდა „ბარსელონას“ ლიდერი, რომლის ანგარიშზე 44 მატჩში მოდის გადამწყვეტი გოლი. მეორეზეა „იუვენტუსის“ ფორვარდი კრიშტიანო რონალდო (41 მატჩი). სამეულს ავსებს რონალდოს თანაგუნდელი გონსალო იგუაინი (37 მატჩი).


როგორ ამტვრევდა ბრაზილია მესის


 ტურინის „იუვენტუსისა“ და ბრაზილიის ნაკრების ყოფილმა ნახევარმცველმა ფელიპე მელომ ჟურნალისტებთან საუბრისას გაამხილა - ის და მისი პარტნიორები ბრაზილიის ნაკრებში როგორ მოქმედებდნენ არგენტინის ნაკრების ლიდერის ლიონელ მესის შესაჩერებლად.

„ის უნიკალური მოთამაშეა. როცა ბრაზილიას მის წინააღმდეგ თამაში უწევდა, ჩვენ ერთმანეთში ასე მოვილაპარაკებდით ხოლმე: „თითოეულმა უნდა ჩავარტყათ მას. უნდა შევენაცვლოთ ერთმანეთს“. ამის გარეშე რთული იყო მისი შეჩერება. მის დამტვრევას არც ვცდილობდით, უბრალოდ, გვინდოდა ის სათამაშო რიტმიდან ამოგვეგდო და დისკომფორტი შეგვექმნა. ეს ტაქტიკური მომენტი იყო.

მესი - უფრო დაუჯერებელი მოთამაშეა, ვიდრე კრიშტიანო რონალდო. კრიშტიანოს შეუძლია ხუთი გოლი გაიტანოს, მაგრამ მესი თავად გაიტანს ხუთს და კიდევ საგოლე პასებსაც დაარიგებს. ის უფრო უნივერსალური მოთამაშეა“, - განაცხადა მელომ არგენტინულ „კლარინთან“ ინტერვიუში.

2261
მკითხველის კომენტარები / 1 /
Nicholas
0
მელო არავითარი ავტორიტეტი არარის და არც სანდო წყარო. ფაქტი არის ის, რომ მესის ძაზე წარმატებულად აჩერებენ ყოველგვარი დამტვრევის გარეშე ნაკრების შემადგენლობაში უკვე 16 წელია. ნეიმარს(და არამხოლოდ) სამჯერ მეტად ეუხეშებიან - ეს სტატისტიკაა. რასაც ბ-ნი მელო ამბობს სიმართლე რომ იყოს ერთხელაც "კარგი" მსაჯი შეხვდებოდა ბ-ნ მესის და აღკვეთავდა ასეთ უმსგავსობას. გახსოვტ რაიმე მსგავსი? მე არ მახსოვს.
მსგავსი ამბები
რუბრიკის სხვა სიახლეები
;