მესი ბარსელონასთან ახალ კონტრაქტზე უარს ამბობს: არ მინდა, ამან ხელ-ფეხი შემიკრას...

არგენტინულ რადიოარხ Metro FM 95.1-თან ინტერვიუში ლიონელ მესიმ თქვა, რომ უარი უთხრა "ბარსელონასთან" სამუდამო კონტრაქტის გაფორმებაზე, იმ მიზეზით, რომ არ სურს, ამ კონტრაქტმა მას ხელ-ფეხი შეუკრას.

ცხადია, მაშინვე ატყდა მითქმა-მოთქმა, რომ მესი არ აპირებდა კარიერის "ბარსელონაში" დასრულებას. კატალონიურ გრანდთან მას ჯერ მოქმედი ხელშეკრულებით მას ჯერ კიდევ 2 წელი აქვს დარჩენილი.

ამას გარდა, წინ არის მსოფლიო ჩემპიონატი, სადაც მესის ჯერ კიდევ შეუძლია ითამაშოს მნიშვნელოვანი როლი არგენტინის ნაკრების შემადგენლობაში. ცხადია, კარიერის მიწურულს მას ძალიან უნდა სანაკრებო ჯილდოც:

აღმოჩნდა, რომ მესი არსად წასვლას არ აპირებს: "ცოტა ხნის წინ განვიხილეთ "ბარსელონას" ხელმძღვანელობასთან ჩემი კონტრაქტი. არ მინდა, ისეთი ხელშეკრულების გაფორმება, რომელიც მთელი ცხოვრება რაღაცას დამავალდებულებს. არ ვიცი, რა განწყობა მექნება მომავალში...

არ მსურს ისიც, რომ შეთანხმება მოქმედებდეს მაშინაც, როცა ამა თუ იმ ტრავმისგან აღდგენის პერიოდი მექნება. ვითამაშებ მანამ, ვიდრე კარგ ფიზიკურ ფორმაში ვიქნები. რა თქმა უნდა, კარიერას "ბარსელონაში" დავასრულებ", - თქვა მესიმ.

497
მკითხველის კომენტარები / 0 /
მსგავსი ამბები
რუბრიკის სხვა სიახლეები
;