მესი ინგლისში ვერ ითამაშებს?

არ არის გამორიცხული, „ბარსელონას“ კაპიტანმა ლიონელ მესიმ ვეღარ შეძლოს ფეხბურთის თამაში ინგლისის ტერიტორიაზე. საქმე ეხება ბრიტანეთის გამოსვლას ევროკავშირის შემადგენლობიდან და არგენტინელის ნასამართლეობას.

შეგახსენებთ, რომ მესის მისჯილი აქვს 21-თვიანი პირობითი პატიმრობა გადასახადებთან დაკავშირებული მაქინაციების გამო. ესპანო-არგენტინული პასპორტის წყალობით, პირობითი პატიმრობის მქონე მესის დღეს აქვს ბრიტანეთში შესვლის უფლება. მაგრამ, როგორც გაზეთი „სანი“ წერს, ბრექსიტის პროცესის დასრულების შემდეგ, ევროკავშირის მოქალაქეებს ეს უფლება მოეხსნებათ და ბრიტანეთის კუნძულებზე შესვლა ლეოსთვის ფორმალურად უკანონო იქნება.

„ბარსელონას“ ლიდერი დგება რისკის წინაშე, რომ ვეღარ შეძლებს თავის კლუბთან ერთად ბრიტანეთში ჩემპიონთა ლიგის მატჩებზე გამგზავრებას ან ბრიტანულ ნაკრებებთან გასვლაზე თამაშს არგენტინის ნაკრების შემადგენლობაში.

„ოქროს ბურთის“ ხუთგზის მფლობელისთვის ამ პრობლემის შესაძლო გადაწყვეტილებაა - უეფას ჩარევა.

ყოველდღიური სპორტული გაზეთი "ლელო"
498
მკითხველის კომენტარები / 0 /
მსგავსი ამბები
რუბრიკის სხვა სიახლეები
;