მესი: რონალდოს გარეშე რეალი უკეთესი ვერ გახდა

ლიონელ მესი აღიარებს, რომ კრიშტიანო რონალდოს წასვლით ლა ლიგაში ცხოვრება შედარებით გაიოლდა, თუმცა "იუვენტუსში" მისმა გადასვლამ "ბებერი ქალბატონი" ჩემპიონთა ლიგის ერთ-ერთ მთავარ ფავორიტად აქცია.

ლა ლიგის ხიბლი მარტო "სუპერკლასიკოები" არ ყოფილა, ეს იყო ასევე დიდი ეპოქა ორი გენიალური ფეხბურთელის დაპირისპირების, რომელიც ხანდახან უფრო საინტრიგოც გამხდარა, ვიდრე უშუალოდ გუნდებს შორის ჯახი.

"რეალი" მსოფლიოს ერთ-ერთი საუკეთესო გუნდია და დღესაც დიდი ფეხბურთელები ჰყავს, მაგრამ აშკარაა, რომ რონალდოს გარეშე ის აღარ არის ისეთივე კარგი, როგორიც რონალდოსთან ერთად იყო. სამაგიეროდ, რონალდოს მისვლით ძალიან გაძლიერდა "იუვენტუსი" და დღეს ჩემპიონთა ლიგის ერთ-ერთი მთავარი ფავორიტია", - უთხრა მესიმ "რადიო კატალუნიას" და იქვე დასძინა, რომ რონალდოს წასვლას ვერც წარმოიდგენდა:

"ვერ წარმოვიდგენდი, რომ ერთ დღეს ის დატოვებდა "რეალს" და "იუვენტუსში" გადავიდოდა. არ ვაკნინებ "იუვენტუსს", ის ძალიან კარგი გუნდია, მაგრამ რონალდოს სხვებიც ეპატიჟებოდნენ... მისი წასვლა ჩემთვის დიდი სიურპრიზი იყო".

828
მკითხველის კომენტარები / 0 /
მსგავსი ამბები
რუბრიკის სხვა სიახლეები
;