ლიონელ მესი: ნაკლები კრიტიკა, მიეცით ამ გუნდს განვითარების საშუალება!..

ლიონელ მესიმ განაცხადა, რომ "კოპა ამერიკის" ნახევარფინალში ბრაზილიასთან წაგების (0:2) მიუხედავად, მზად არის, გააგრძელოს თამაში არგენტინის ნაკრებში.

"ვგრძნობ, რომ წინ რაღაც ახალი გველოდება. იმედი მაქვს, მომავალში მეტი პატივისცემა გვექნება, ვიდრე კრიტიკა. მნიშვნელოვანია, რომ ამ გუნდს მშვიდად წინსვლისა და განვითარების საშუალება მიეცეს.

სიმართლე ის არის, რომ ამ ფეხბურთელებთან ჩინებული ურთიერთობა ჩამომიყალიბდა თუ საჭირო იქნება მათი დახმარება, მზად ვარ, ეს დახმარება გავუწიო. ეს არის ძალიან კარგი გუნდი და მიუხედავად მარცხისა, ის წინ მიდის.

თუ მომეცემა ნაკრებში თამაშის შანსი, მზად ვარ, ვისარგებლო ამ შანსით", - თქვა მესიმ, რომელიც ერთხელ უკვე წავიდა ნაკრებიდან, მაგრამ მერე ისევ დაბრუნდა.

მისი ასეთი ოპტიმისტური კომენტარი არგენტინის ნაკრების მომავალთან დაკავშირებით, ძნელად გასახსენებელია. შეგახსენებთ, რომ მას მერე, რაც 1993 წელს "კოპა ამერიკაზე" გაიმარჯვა, "ალბისელესტეს" არცერთი მნიშვნელოვანი ჯილდო აღარ მოუგია.

572
მკითხველის კომენტარები / 0 /
მსგავსი ამბები
რუბრიკის სხვა სიახლეები
;