მესხის შაბაცი ლიდერებშია

საქართველოს წყალბურთელ ვაჟთა ნაკრების წევრები განაგრძობენ უცხოურ კლუბებში ასპარეზობას.

სერბეთის სუპერლიგაში, სადაც მედლებისთვის რვა გუნდი იბრძვის, გიორგი მესხის "შაბაცი" ოთხი ტურის შემდეგ უდანაკარგოდ ლიდერობდა, მაგრამ მე-5 ტურში სტუმრად "ვოივოდინასთან" 4:12 დამარცხდა (ჩვენებურს ბურთი არ გაუტანია).

ახლა ის 12 ქულით "ცრვენა ზვეზდასთან" მესამე-მეოთხე ადგილებს იყოფს, ხოლო 13-13 ქულით პირველ-მეორე ადგილებზე "პარტიზანი" და "ბოივოდინა" არიან.

სამი ჩვენებური იტალიაშია. სერია A1-ში მარკო ელაჩას "ორტიჯიამ" სირაკუზაში აუტსაიდერი "აკვაჩიარა" დიდი ანგარიშით დაამარცხა - 24:6. ელაჩამ ორი გოლი მიითვალა. 23 ტურის შემდეგ "ორტიჯია" 41 ქულით "სანოვასთან" მეოთხე-მეხუთე ადგილებს ინაწილებს. 69 ქულით პირველ ადგილზეა ევროპული გრანდი "პრო რეკო". 5 მაისს სირაკუზელები სტუმრად "სელეკო ნუოტოს" შეხვდებიან.

სერია A2-ის სამხრეთ ლიგაში ანდრია ბითაძის "ვის ნოვამ" საკუთარი კედლების დახმარებით "სესპორტი" დაჯაბნა - 16:5. მართალია, ქართველ წყალბურთელს ბურთი არ გაუტანია, მაგრამ მასთან ორთაბრძოლაში რამდენიმე სესპორტელი დაჯარიმდა და აუზიდან გააძევეს, რამაც რომაელთა გამარჯვებას შეუწყო ხელი.

18 ტურის შემდეგ "ვის ნოვა" 25 ქულით მე-5 ადგილზეა. 44 ქულით "რომა ნუოტო" მეწინავეობს. ხუთ მაისს ბითაძე და მისი თანაგუნდელები სტუმრად ურთიერთობას გაარკვევენ "მური ანტიჩთან", რომელიც მათ ქულით ჩამორჩება.

ჩრდილოეთ ლიგაში რევაზ იმნაიშვილის "სორი" კვლავ წარუმატებლად თამაშობს. ამჯერად შინ 54 ქულით გათამაშების ცხრილის სათავეში მყოფ "ჯენოასთან" დამარცხდა - 4:11. ერთი გოლი იმნაიშვილის ანგარიშზეა. "სორი" 15 ქულით მე-9 ადგილზეა. 5 მაისს მე-5 ადგილზე მყოფ "ლავანიას" დაუპირისპირდება.

ყოველდღიური სპორტული გაზეთი "ლელო"
796
მკითხველის კომენტარები / 0 /
მსგავსი ამბები
რუბრიკის სხვა სიახლეები
;