[მეტოქე] მიკ მაკარტი: საქართველოშიც უნდა მოვიგოთ და შვეიცარიაშიც!

მიკ მაკარტიმ ერთხელაც ილაპარაკა საქართველოსა და შვეიცარიასთან მატჩებზე და განაცხადა, რომ ირლანდიის ნაკრებს ორივე მატჩში გამარჯვების ძალა შესწევს.

"რიჩარდ კეოს თავს გადახდენილი ამბავი ჩვენთვის ძალიან სამწუხაროა. მას ორი ოპერაცია სჭირდება მუხლზე და დაახლოებით 15 თვე ვერ ითამაშებს. დავურეკე და ვუთხარი, რომ მის გვერდით ვარ...

მიუხედავად იმისა, რომ ტრავმების გამო ვერ ითამაშებენ ვერც შეინ დაფი და დევიდ მაკგოლდრიკი, ჩვენ შეგვწევს იმის ძალა, რომ საქართველოშიც მოვიგოთ და შვეიცარიაშიც. ასეთი ოპტიმისტური განცხადების გაკეთების საფუძველს მაძლევს ირლანდიელი ფეხბურთელების ბოლოდროინდელი შედეგიანი თამაში.

ჯეიმს კოლინზმა ჯერ ბულგარეთს გაუტანა, მერე ამ უქმეებზეც გამოიჩინა თავი. შონ მაგუაირიც შესანიშნავ ფორმაშია. ასე რომ, თავდასხმის ხაზში დიდი არჩევანი გვაქვს", - თქვა მაკარტიმ.

ყოველდღიური სპორტული გაზეთი "ლელო"
478
მკითხველის კომენტარები / 0 /
მსგავსი ამბები
რუბრიკის სხვა სიახლეები
;