[მეტოქე] უელსს რევანში სწყურია. წითელი ურჩხულები ინგლისის წინააღმდეგ, ავსტრალია ახალ ზელანდიასთან...

საქართველოს ნაკრების მეტოქეები იაპონიაში გასამართი მსიფლიოს თასის გათამაშებაში, უელსისა და ავსტრალიის ნაკრებები ამ უქმეებზე ტესტებს გამართავენ. "წითელი ურჩხულები", რომლებსაც "ბორჯღალოსნები" 23 სექტემბერს დაუპირისპირდებიან, ხვალ კარდიფში, "პრინციპალიტი სთედიუმზე" ინგლისის ნაკრებს უმასპინძლებს...

ეს გუნდები გასულ უქმეებზე შეხვდნენ ერთმანეთს ლონდონში, "თვიქნემზე" და გამარჯვება "პომებს" დარჩათ. ამ მარცხის გამო უელსმა მსოფლიოს რეიტინგში პირველი ადგილის დაკავების შანსი დაკარგა.

ამასთან ერთად, ინგლისელებმა უელსელთა მგეზავი გერეთ ენსკომბი "შეიწირეს". მან ტრავმა მიიღო და მსოფლიოს თასს გამოტოვებს. მის ადგილს ინგლისელებთან მატჩში დენ ბიგარი დაიკავებს.

"ამ უქმეებზე კიდევ ერთი შანსი გვაქვს მოედანზე გავიდეთ, გამოვცადოთ საკუთარი ძალები და იაპონიაში გასამართი მსოფლიოს თასისთვის მოვემზადოთ. საქართველოს ნაკრებთან "ტოიოტა სთედიუმზე" საქართველოსთან მატჩამდე ხუთი კვირაა დარჩენილი და ძალიან მნიშვნელოვანია იმ დროისთვის მაქსიმალურად კარგ ფორმაში ვიყოთ.

გასულ უქმეებზე მარცხით გაწბილებული ვიყავით. ამჯერად უკეთ უნდა ვითამაშოთ და ქომაგებით პირთამდე სავსე "პრინციპალიტი სთედიმი" გავახაროთ. იმედი გვაქვს, იაპონიისთვის საუკეთესო ფორმაში ვიქნებით და მსოფლიოს თასზე დიდ შედეგებს მივაღწევთ", - თქვა უელსის ნაკრების ახალზელანდიელმა მწვრთნელმა უორენ გეთლენდმა.

ავსტრალიის ნაკრები, შაბათს, ოქლენდში ბლედისლოუს თასის გადამწყვეტ მატჩში ახალ ზელანდიას დაუპირისპირდება. გუნდის მთავარმა მწვრთნელმა მაიკ ჩეიკამ ერთი იძულებითი შეცვლა განახორციელა. დაშავებული მეორეხაზელის რორი არნოლდის ნაცვლად ადამ კულემანი ითამაშებს, რომელმაც ტრავმა ახლახან მოირჩინა.

ვეტერანი უკანახაზელი ადამ ეშლი-კუპერი სათადარიგოთა შორისაა. ეს მისი 118-ე ტესტი იქნება ეროვნულ ნაკრებში. ავსტრალიელი მორაგბე, ტონი ვუდკოკთან და ფაბიენ პელუსთან ერთად, მე-16 იქნება ვინც ეროვნულ გუნდში ყველაზე მეტი მატჩი გამართა.

შეგახსენებთ, რომ ავსტრალიის ნაკრებმა, ერთი კვირის წინ, ოთხი ერის ბოლო მატჩში ახალი ზელანდიის ეროვნულ გუნდს 47:26 მოუგო.


უელსი


15. ლიამ ვილიამსი, 14. ჯორჯ ნორსი, 13. ჯონათან დევისი, 12. ჰეიდლი პარქსი, 11. ჯოშ ადამსი, 10. დენ ბიგარი, 9. გარეთ დევისი. 1. ნიკი სმითი, 2. კენ ოუენსი, 3. ტომას ფრენსისი, 4. ჯეკ ბელი, 5. ალან ვინ ჯოუნსი, 6. აარონ ვეინვრაისი, 7. ჯეიმს დევისი, 8. როს მორიატი.
16. ელიოტ დი, 17. ვინ ჯოუნსი, 18. დილონ ლუისი, 19. აარონ შინგლერი, 20. ჯოშ ნავიდი, 21. ჯაროდ ევანსი, 22. ოუენ ვოტკინი

ავსტრალია


15. ქართლი ბილი, 14. რისე ჰოჯი, 13. ჯეიმზ ოკონორი, 12. სამუ კერევი, 11. მარიკა კოროიბეტე, 10. კრისტაინ ლეალიიფანო, 9. ნიკ ვაითი.  1. სკოტ სიო, 2. ტულუ ლატუ, 3. ალან ალაალატოა, 4. ისააკ როდა, 5. ადამ კოლემანი, 6. ლიხან სალაკაია-ლოტო, 7. მაიკლ ჰუპერი, 8. იზი ნაისარანი
16. ფოლაუ ფაინგაა, 17. ჯეიმს სლიპერი, 18. ტანიელა ტუპოუ, 19. რობ საიმონსი, 20. ლიამ ვრაითი, 21. ვილი გენია, 22. მეთ ტოომუა, 23. ადამ ეშლი-კუპერი

759
მკითხველის კომენტარები / 0 /
მსგავსი ამბები
რუბრიკის სხვა სიახლეები
;