[მეტოქე] შვეიცარიის ნაკრები ლიდერის გარეშე

პარასკევს შვეიცარიის ნაკრების მთავარი მწვრთნელი ვლადიმირ პეტკოვიჩი უახლოესი მატჩებისთვის შემადგენლობას დაასახელებს. მოგეხსენებათ, შვეიცარია ჩვენი მეტოქეა 15 ნოემბრის საკვალიფიკაციო მატჩში, რომელიც სენტ გალენში გაიმართება.

უდიდესი ალბათობით პეტკოვიჩის სიაში არ იქნება შვეიცარიის ნაკრების ლიდერი ჯერდან შაჩირი. მას ტრავმა აწუხებს. გადაწყვეტილი ამბავია, რომ შვეიცარიელი "ლივერპულისა" და "მანჩესტერ სიტის" საკვირაო დაპირისპირების განაცხადშიც არ იქნება.

ფაქტია, ის ვერ იქცა "ლივერპულის" ძირითადი შემადგენლობის მოთამაშედ, სამაგიეროდ, უდიდეს ძალას წარმოადგენს შვეიცარიის ნაკრებისთვის, საიდანაც ერთხანს წასვლა კი დააპირა, მაგრამ მერე გადაიფიქრა.

რა თქმა უნდა, შაჩირის არყოფნა შვეიცარიის ნაკრებისთვის სერიოზული დანაკლისია და ჩვენს მარიფათზეა დამოკიდებული, როგორ გამოვიყენებთ მეტოქის მინუსებს.

თუმცა ასეთი მინუსები ჩვენც საკმარისად გვაქვს...

521
მკითხველის კომენტარები / 0 /
მსგავსი ამბები
რუბრიკის სხვა სიახლეები
;