მიდის თუ არა ცეცაძე ახალგაზრდული ნაკრებიდან აზერბაიჯანში სამუშაოდ? ბაქოში მისი ყოფნა დასტურდება...

"საბაჰმა" ბაქოში მთავარი მწვრთნელობის კანდიდატები მიიწვია", - ამ სათაურით გამოაქვეყნა წერილი აზერბაიჯანულმა გამოცემა "აზერისპორტმა", რომლის მტკიცებით "საბაჰისა" და "საბაილის" მატჩს (3:0) უკრაინელი და ქართველი მწვრთნელები, იური ვერნიდუბი და გია ცეცაძე დაესწრნენ.

"მოლაპარაკებები გაიმართება ორივე მათგანთან, რის შემდეგაც კლუბის სამეთვალყურეო საბჭო საბოლოო გადაწყვეტილებას მიიღებს. ვერნიდუბის ბოლო კლუბი იყო უკრაინული ლუგანსკის "ზორია", ხოლო ცეცაძე ამჟამად საქართველოს ახალგაზრდული ნაკრების დამრიგებელია", - წერს იგივე გამოცემა.

ცხადია, დავინტერესდით და შევიტყვეთ, რომ ეს ინფორმაცია მხოლოდ ნაწილობრივაა მართალი, მაგრამ მთავარ პუნქტში - დაუზუსტებელი ცნობა გავრცელდა. ცეცაძე აზერბაიჯანში ნამდვილად იმყოფებოდა, მაგრამ არა მწვრთნელობის თაობაზე მოლაპარაკებისთვის. "საბაჰის" პრეზიდენტისთვისაც ცნობილია, რომ ცეცაძე საქართველოს ახალგაზრდული ნაკრებიდან წასვლას არ აპირებს, მას მხოლოდ გუნდის მომავალზე ჰკითხა რჩევები.

ასე რომ, საქართველოს ახალგაზრდული ნაკრები მწვრთნელის გარეშე არ დარჩენილა - დიდი ალბათობით, აზერბაიჯანულ კლუბს უკრაინელი ვერნიდუბი ჩაიბარებს.

654
მკითხველის კომენტარები / 0 /
მსგავსი ამბები
რუბრიკის სხვა სიახლეები
;