მიკოლა კოვტალიუკი დილასთვის შეუტევს

უკრაინელი ფორვარდი მიკოლა კოვტალიუკი გორის "დილაში" ითამაშებს. როგორც გორულ კლუბში გვითხრეს, ტრანსფერის საკითხი გადაწყვეტილია და კოვტალიუკი უკვე "დილასთან" ერთადაა.

საქართველოს ჩემპიონატის გულშემატკივარი მას ძალიან კარგად იცნობს. უკრაინელი, თავდაპირველად, ფოთის "კოლხეთში" გამოჩნდა და გუნდის აშკარა ლიდერი იყო. მან ზღვისპირელთა შემადგენლობაში არაერთი გოლი გაიტანა.

ამის შემდეგ კოვტალიუკის სამსახური თბილისის "დინამომ" ისურვა. მისი კარიერა საქართველოს ყველაზე ტიტულოვან კლუბში ისე არ აეწყო, როგორც თავად ისურვებდა,

მაგრამ "ტორპედოსთან" გადამწყვეტ შეხვედრაში სწორედ მან მოიპოვა თავისი გუნდისთვის სასიცოცხლო თერთმეტმეტრიანი უკანასკნელ წამზე, რომელიც "დინამომ" ვერ გამოიყენა და ჩემპიონობა ქუთაისელებს დარჩათ...

სხვადასხვა დროს, 22 წლის კოვტალიუკს უთამაშია "პოლტავაში", სლოვაკურ "მიხალოვცეში", კიევის "არსენალში", "კოლოსსა" და "კოლხეთში".

შევიტყვეთ ისიც, რომ ამ დროისთვის "დილა" ორ განელ ფეხბურთელს აკვირდება. ერთ-ერთი მათგანი იაია აბუბაქარი გახლავთ, რომელიც გასულ სეზონში იჯარით თამაშობდა საფეხბურთო კლუბ "გორის" შემადგენლობაში.

ჩვენი ინფორმაციით, "დილას" რიგებში სულ მალე კიდევ 7 ლეგიონერი გამოჩნდება. სამწვთნელო შტაბი მათ დააკვირდება და ამის შემდეგ მიიღებს ფეხბურთელებთან დაკავშირებით საბოლოო გადაწყვეტილებას.

დაბოლოს - გადაწყდა, რომ გორის "დილაში" ითამაშებს "სამტრედიას" ყოფილი მცველი ჯემალ გოგიაშვილიც.

ყოველდღიური სპორტული გაზეთი "ლელო"
1006
მკითხველის კომენტარები / 0 /
მსგავსი ამბები
რუბრიკის სხვა სიახლეები
;