მილანის ინტერის მცველი სამტრედიაში ჩაირიცხა

"სამტრედიას" ხელმძღვანელობამ საინტერესო ტრანსფერი განახორციელა - გუნდმა ივან ფატიჩი დაიმატა. 29 წლის მონტენეგროელ ცენტრალურ მცველს თავისი ქვეყნის ნაკრების ფორმით 6-ჯერ უთამაშია. იგი უკვე საქართველოშია და 17 იანვარს ოფიციალურად გახდა "სამტრედიას" წევრი - ფატიჩი ვარჯიშს გუნდთან ერთად აქტიურად შეუდგება.

ახლა ფეხბურთელი 29 წლისაა. კარიერა შვეიცარიულ "კიასოში" დაიწყო, მაგრამ აღსანიშნავი არც ესაა და არც მისი მონტენეგროს ნაკრებში თამაში - ფატიჩი 18 წლისა ცნობილ იტალიურ გრანდში, მილანის "ინტერში" გადავიდა, სადაც 2007-2009 წლებში 8 ოფიციალური შეხვედრა ჩაატარა. 2007-2013 წლებში იტალიის სერია A-ს და სერია B-ს სხვადასხვა კლუბში უთამაშია: "კიევო", "ვერონა", "ემპოლი", "ლეჩე"...

ივან ფატიჩის კარიერიდან ჩვენთვის კარგად ნაცნობი სურათი იხატება - აშკარად ნიჭიერი ფეხბურთელი იყო, მაგრამ კარიერა ვერ აიწყო და ერთი ხანობა მალაიზიურ "სარავაიკშიც" წავიდა, ხოლო ბოლოს მაკედონიურ სკოპიეს "სკუპში" გამოდიოდა.

ყოველდღიური სპორტული გაზეთი "ლელო"
3371
მკითხველის კომენტარები / 0 /
მსგავსი ამბები
რუბრიკის სხვა სიახლეები
;