მილანი. გატუზოს უშვებენ, კონტე მზად არის...

"მილანის" ხელმძღვანელობა, დიდი ალბათობით, მთავარ მწვრთნელს შეცლის. ჯენარო გატუზოთი უკმაყოფილება ტურიდან ტურამდე იზრდება. სცენარი მუდმივად ერთნაირია - თავიდან "მილანი" ყველა თამაშს იგებს, მაგრამ სათავისო შედეგს ვერ ინარჩუნებს, რაც არამარტო სათამაშო კლასს, არამედ დაბალ კონცენტრაციასა და ფსიქოლოგიურ პრობლემებს უკავშირდება.

ეტყობა, გატუზო ვერ ახერხებს ფეხბურთელების მობილიზებას ისე, როგორც ეს ანტონიო კონტეს შეუძლია. კონტე კი, რა თქმა უნდა, შემთხვევით არ გვიხსენებია. სწორედ მას განიხილავენ "რინოს" უპირველეს ალტერნატივად.

შეგახსენებთ, რომ 1 ოქტომბრიდან "მილანის" აღმასრულებელი დირექტორი იქნება ივან გაზიდისი, რომელიც ანალოგიურ პოსტზე წლების განმავლობაში მუშაობდა ლონდონის "არსენალში" და საფეხბურთო სამყაროში მაღალი დონის მენეჯერადაა ცნობილი.

სწორედ გაზიდისი ყოფილა კონტეს დანიშვნის ინიციატორი, რაკი ინგლისიდან კარგად იცნობს მის საქმიანობას. მოგეხსენებათ, კონტემ "ჩელსის" პირველივე სეზონში მოაგებინა პრემიერლიგა.

რაც შეეხება გატუზოს, ამ უქმეებზე "სასუოლოსთან" გასვლითი მატჩი, შეიძლება, მისთვის ბოლოც იყოს "მილანის" მთავარი მწვრთნელის პოსტზე. კონტე კი, რომელიც დღესდღეობით უმუშევარია, მზად არის მართვის სადავეების ასაღებად.

963
მკითხველის კომენტარები / 0 /
მსგავსი ამბები
რუბრიკის სხვა სიახლეები
;