მილანმა ჯამპაოლო გაუშვა, ახალი მწვრთნელი პიოლი იქნება

"მილანში" სამწვრთნელო ძვრებია. "გაძეტა დელო სპორტის" ინფორმაციით, "როსონერიმ" უკვე დაითხოვა მარკო ჯამპაოლო და უახლოეს საათებში მის შემცვლელად წარადგენს 53 წლის სტეფანო პიოლის, ვინც ბოლოს "ფიორენტინაში" (2017-19) მუშაობდა, მანამდე კი "ინტერსა" (2016-17) და "ლაციოს" (2014-16) მოძღვრავდა, ხოლო უფრო ადრე სერია A-სა და B-ს ათამდე გუნდს ავარჯიშებდა.

ჯამპაოლოს ალტერნატივად განიხილებოდა ლუჩანო სპალეტიც, ბოლო რამდენიმე საათის განმავლობაში ვრცელდებოდა ინფორმაცია ჟოზე მოურინიოზეც, მაგრამ ფაქტი ის არის, რომ პიოლი უკვე შეხვდა "მილანის" ხელმძღვანელობას და 2-წლიან კონტრაქტზეც მოურიგდა. პიოლი წლიურად 1.5 მილიონ ევროს მიიღებს.

548
მკითხველის კომენტარები / 0 /
მსგავსი ამბები
რუბრიკის სხვა სიახლეები
;