მილტონ ჰეიგი: დავრჩები თუ არა, საქართველოს ნაკრებში...

2018 წლის რაგბი ევროპის ჩემპიონატის მესამე ტურში საქართველომ ესპანეთი 23:10 დაამარცხა.

ბორჯღალოსნების თამაში ჰეიგმა შეაფასა:

"წინა დღისით ვამბობდით და მატჩისას ყველანი დავრწმუნდით, რომ ესპანეთის ნაკრები ძალიან კარგი გუნდია. ჩვენ მოთმინება კარგად გამოვიყენეთ, შევქმენით შესაძლებლობებიც, რომელთა ნაწილი სამწუხაროდ ვერ გამოვიყენეთ.

ვმუშაობთ და გვსურს, რომ უფრო მრავალფეროვნად ვითამაშოთ, მაგრამ ამას დრო ჭირდება. შესრულებაში ყველაფერი არ გამოგვდიოდა, თუმცა ეს მეტოქის კარგ თამაშზეც მეტყველებს და სწორედ მათ არ მოგვცეს ჩანაფიქრის განხორციელების შესაძლებლობა.

ამ მომენტისთვის ტრავმები არავის აწუხებს. დაველოდებით ექიმების დასკვნებს და მას შემდეგ გადავწყვეტთ დავიმატებთ თუ არა ვინმეს დარჩენილი ორი თამაშისთვის".

მწვრთნელს კითხვა საკუთარ მომავალზეც დაუსვეს - დარჩება თუ არა ბორჯღალოსნების მწვრთნელად 2019 წლის მსოფლიო თასის შემდეგ:

"ახლა ჩემი და მთელი გუნდის ფიქრი მხოლოდ 2019 წლის მსოფლიო თასს უკავშირდება. არ მჩვევია შორსმიმავალ გეგმებზე ფიქრი. როდესაც დასრულდება იაპონიის მსოფლიო თასი, რომელიც იმედია, ჩვენთვის წარმატებული იქნება, ამის შემდეგ დავსხდებით რაგბის კავშირის პრეზიდენტთან და მაშინ გაირკვევა დავრჩები თუ არა საქართველოს ნაკრებში".

rugby.ge

3177
მკითხველის კომენტარები / 3 /
bs
1
ესპანეთთან თამაშამდე მილტონ ჰეიგის მხარდამჭერი ვიყავი და მუდამ ვეწინააღმდეგებოდი იმ მოსაზრებებს რომ მის ხელში სააქართველოს ნაკრებმა ვერ ისწავლა ხელით თამაში, რისთვისაც ის დავიქირავეთ, რომ ჩვენი წარმატებები მხოლოდ რაგბის მზარდი პოპულარობის და ფედერაციის სწორი მუშაობის შედეგი იყო. ვთვლიდი, რომ იყო შეცდომები, იყო ცუდი თამაშები, მაგრამ მელიტონას, მართლაც რომ მაგარი და კაი ადამიანის მჯეროდა.
სამწუხაროდ ესპანეთთან თამაშის მერე მისდამი რწმენა საფუძვლიანად შემერყა. ესპანეთის მეორე გუნდმა(!) ასე არ უნდა დაგბეგვოს, ამდენ ხანს რომ ესპანეთის მარქაფის ძალისმიერ შეტევას ვერ იგერიებ, მთელი თამაში რომ ესპანეთის რეზერვი ხელით თამაშში გჯობია, რისი იმედი გვაქ იტალიასთან?!
ძალიან დამაფიქრებელი და ჭკუის სასწავლებელი თამაში იყო, თუ რა თქმა უნდა სათანადო დასკვნების გამოვიტანთ. შეიძლება რამეს ვერ ვაფასებ სწორად, ვიფიქროთ მეგობრებო ერთად და გავაკეთოთ სწორი დასკვნები!
Badri
1
datovet es kaci da daanebet ragbs tavi romel Sportshi vart iseti warmatebullebi rogorc Ragbshi?
მსგავსი ამბები
რუბრიკის სხვა სიახლეები
;