მილტონ ჰეიგი: მამუკა გორგოძე მენატრება

საქართველოს მორაგბეთა ნაკრების მთავარმა მწვრთნელმა მილტონ ჰეიგმა პრესკონფერენცია გამართა.

ყველაზე საინტერესო შეკითხვა ასეთი იყო: ახალი ზელანდა უფრო გენატრებათ თუ მამუკა გორგოძე?
მწვრთნელის პასუხი ასეთი იყო:

"ზელანდიაში დეკემბერში წავალ, გორგოძეს კი, ნაკრებში ვეღარ ვიხილავ. მამუკა უფრო მენატრება".

მილტონ ჰეიგმა "ბორჯღალოსნების" ახალგაზრდა (მირიან მოდებაძე, გიორგი კოშაძე, სოსო მათიაშვილი, გიორგი კვესელაძე) მოთამაშეებზეც ბევრი ილაპარაკა:

"დიდი ხანია მათ ვაკვირდებით, უკანა ხაზის გაძლიერებაზე სერიოზულად ვმუშაობდით, განსკუთრებით ფრთებზე და ფულბეკის პოზიციაზე. ახალწვეულები სწორედ ამ პოზიციებზე არიან. მათი დიდი იმედი მაქვს.

მსოფლიოს თასამდე 2 წელია დარჩენილი და საკმარისი დროა, ვნახოთ ისინი საქმეში. მჯერა, რომ გაამართლებენ.

მართალია, არაა შემადგენლობაში მაგრამ კარგად იცით რა შეუძლია გელა აფრასიძეს. მისი ლელო რაგბის მსოფლიოს კავშირის ნომინაციაშია წარდგენილი, რაც თავისთავად მეტყველებს, რა დონის მოთამაშეა."

მერაბ შარიქაძე კაპიტანი:

"კანადასთან რამდენიე მატჩი გვაქვს გამართული. ძნელად ვიგებდით. ხვალაც მძიმე ბრძოლა გველის.

მინდა, ხაზი გაუსვა მაყურებლის მნიშვნელობას: რაგბს იმიტომ ვთამაშობთ, რომ მაყურებელს ვასიამოვნოთ. ქომაგი ჩვენი მოტივაციაა. კარგი იქნება, რაც შეიძლება მეტი მაყურებელი მოვიდეს კანადასთან მატჩზე.

როდესაც სავსე ტრიბუნებს ვხედავთ, ფრთები გვესხმევა. თქვენ ხომ თქვენთვის, გულშემატკივრისთვის ვთამაშობთ."

2453
მკითხველის კომენტარები / 0 /
მსგავსი ამბები
რუბრიკის სხვა სიახლეები
;