მილტონ ჰეიგი: რუსებთან დაპირისპირება მხოლოდ სპორტული არაა... ჩვენ მზად ვართ გამარჯვებისთვის ვიბრძოლოთ

საქართველოს ნაკრები 17 მარტს კრასნოდარში რუსეთის ეროვნულ გუნდს დაუპირისპირდება. სატურნირო თვალსაზრისით, ამ შეხვედრას მნიშვნელობა არ აქვს. „ბორჯღალოსნები“ უკვე ტურნირის გამარჯვებულნი არიან. თუმცა, რა დასამალია, რომ რუსებთან მატჩს ყოველთვის სხვა, განსაკუთრებული დატვირთვა აქვს.

საქართველოს ნაკრებმა გუშინ „შევარდენის“ სანაკრებო ბაზაზე ღია ვარჯიში გამართა, რომელიც ორ საათზე მეტხანს გაგრძელდა. ჩვენმა მორაგბეებმა საკმაოდ ნაყოფიერად და ბეჯითად იმუშავეს. „ბორჯღალოსნების“ თავკაცი კმაყოფილი ჩანდა.

მილტონ ჰეიგი, საქართველოს ნაკრების მთავარი მწვრთნელი:
„დღეს ძალიან კარგი ვარჯიში გვქონდა. ახლა ბიჭებს დავასვენებთ და ხვალ, კრასნოდარში გამგზავრებამდე, კიდევ ერთი ვარჯიში გვექნება. რამდენიმე მცირე ტრავმა გვაქვს, სერიოზული არაფერია. თუმცა, პარასკევს მათ მდგომარეობას კიდევ ერთხელ გადავხედავთ და შემადგენლობასაც ამის შემდეგ დავასახელებთ.

ქართველებისთვის რაგბი ევროპის ჩემპიონატში რუსეთთან თამაში ყოველთვის ყველაზე მნიშვნელოვანია. ეს მხოლოდ სპორტული დაპირისპირება არაა და, ვფიქრობთ, გულშემატკივარს კვირას კარგ წარმოდგენას ვაჩვენებთ. რუსეთის ნაკრები უწინდელთან შედარებით უფრო სწრაფი და ათლეტური გუნდია. მათ ყველა კომპონენტში ეტყობათ გაუმჯობესება და ბურთსაც სწრაფად ათამაშებენ. ახლა რუსეთის ნაკრებს უფრო ბევრი იარაღი აქვს. თუმცა, ჩვენ მზად ვართ გამარჯვებისთვის ვიბრძოლოთ“.

ზურაბ ჟვანია, საქართველოს ნაკრების შერკინების ბურჯი:
„მართალია, რაგბი ევროპის ჩემპიონატის დასრულებამდე ერთი კვირით ადრე ჩემპიონობა გავინაღდეთ, მაგრამ რუსეთთან თამაში, მათი სტუმრად დამარცხება, ჩვენი ქვეყნისთვის უმნიშვნელოვანესია. მჯერა ჩემი ნაკრების, ჩვენი ბიჭების და საქართველოში აუცილებლად გახარებულები დავბრუნდებით. ჩვენ ამ გამარჯვებას ქართველ ხალხს მივუძღვნით“.

ლაშა ხმალაძე, საქართველოს ნაკრების მგეზავი:

„მეტოქე ნამდვილად გაზრდილია. რუსული კლუბები, მათი ნაკრების მოთამაშეები, რეგულარულად თამაშობენ ჩელენჯ ქაფზე და ეს მათ გაზრდაში დაეხმარა. ფიზიკურად და ტექნიკურად ახლა ისინი უკეთ გამოიყურებიან. თუმცა, ჩვენც გავიზარდეთ, ახალგაზრდული ნაკრებებიდან ძალიან კარგი, ტექნიკური და სხარტი ბიჭები დაგვემატნენ.

როგორც ყოველთვის, ეს თამაში ახლაც მნიშვნელოვანია. არა აქვს მნიშვნელობა, ჩემპიონები გავხდით თუ არა. რუსეთთან მატჩი ყოველთვის პრინციპული იყო და ასეა ახლაც. მეტოქეს რის საშუალებასაც მისცემ, იმას მოიმოქმედებს. ვეცდებით, რომ რუსებს პირველივე წუთებიდან გავუქროთ მოგებაზე ფიქრი“.
ამასობაში რუსეთის ნაკრების მთავარმა მწვრთნელმა ლინ ჯონსმა ეროვნული და A ნაკრებების შემადგენლობები დაასახელა. შეგახსენებთ, რომ ეროვნული ნაკრებების დაპირისპირებამდე ერთი დღით ადრე საქართველო XV რუსეთის A ნაკრებს დაუპირისპირდება.

რუსეთის ნაკრები
15. ვასილი არტემევი, 14. გერმან დავიდოვი, 13. ვლადიმირ ოსტროუშკო, 12. დიმიტრი გერასიმოვი, 11. მიხაილ ბაბაევი, 10. იური კუშნარიოვი, 9. ალექსეი შერბანი; 1. ვალერი მოროზოვი, 2. სტანისლავ სელსკი, 3. ინოკენტი ზიკოვი, 4. ანდრეი ოსტრიკოვი, 5. ანდრეი გარბუზოვი, 6. ანტონ სიჩოვი, 7. ტაჰირ გაჯიევი, 8. ვიტალი ჟივატოვი

16. ევგენი მატვეევი, 17. სერგეი სეკისოვი, 18. აზამატ ბიტიევი, 19. ბოდგან ფედოტკო, 20. რომან ხოდინი, 21. დიმიტრი პეროვი, 22. რამილ გაისინი, 23. ვიქტორ კონონოვი.

რუსეთის A ნაკრები: 15. ნიკიტა ჩურაშოვი, 14. ვლადისლავ სოზონოვი, 13. იგორ გალინოვსკი, 12. კირილ გოლოსნიცკი, 11. დანილ პოტიხანოვი, 10. სერგეი იანუშკინი, 9. ტიმურ ისმაილოვი; 1. ალექსეი სკობიოლა, 2. სერგეი ჩერნიშოვი, 3. კირილ გოტოვცევი, 4. ალექსანდრ ილინი, 5. ევგენი ელგინი, 6. მიხაილ სიდოროვი, 7. პატრის პეკი, 8. ვიქტორ გრესევი.

16. ევგენი მიშეჩკინი, 17. ლეონიდ კალინინი, 18. ანდრეი იგრეცოვი, 19. ალექსეი პანასენკო, 20. ნიკიტა ბეკოვი, 21. სერგეი ტრიშინი, 22. კონსტანტინ უზუნოვი

საქართველოს ნაკრები
პირველი ხაზი: ზურაბ ჟვანია (ვოსფსი), გურამ გოგიჩაშვილი (რასინგი), შალვა მამუკაშვილი (ენისეი), ვანო კარკაძე (ორიაკი), ლევან ჩილაჩავა (მონპელიე), გიორგი მელიქიძე (სტად ფრანსე), ბექა გიგაშვილი (გრენობლი)
მეორე ხაზი: გიორგი ნემსაძე (ოსფრიზი), დავით გუგაური (ბუქარესტი), ნოდარ ჭეიშვილი (კორნიშ პირატსი)
მესამე ხაზი: შალვა სუთიაშვილი (ანგულემი), ბექა გორგაძე (ბორდო), გიორგი ცუცუქირიძე (ორიაკი), ოთარ გიორგაძე (ბრივი), ბექა საღინაძე (ორიაკი), გიორგი თხილაიშვილი (ბათუმი)

№9: ვასილ ლობჟანიძე (ბრივი), გელა აფრასიძე (მონპელიე), გიორგი ბეგაძე (ლოკომოტივი)
№10: თედო აბჟანდაძე (აია), ლაშა მალაღურაძე (ვვა)
№12-13: დავით კაჭარავა (ენისეი), მერაბ შარიქაძე (ორიაკი), გიორგი კვესელაძე (არმაზი), ზურაბ ძნელაძე (ლოკომოტივი)
№11-14: ალექსანდრე თოდუა (ბათუმი), გიორგი აფციაური (ლოკომოტივი), მირიან მოდებაძე (აია)
№15: ლაშა ხმალაძე (ბათუმი), სოსო მათიაშვილი (ლელო)

თ მ ფ წ ბ ქ(ს)
1. საქართველო 4 4 0 0 +112 18(2)
2. ესპანეთი 4 3 0 1 29 13(1)
3. რუსეთი 4 2 0 2 +61 11(3)
4. რუმინეთი 4 2 0 2 +18 10(2)
5. ბელგია 4 1 0 3 -128 4(0)
6. გერმანია 4 0 0 4 -92 1(1)

V ტური

17 მარტი
რუსეთი-საქართველო
გერმანია-ესპანეთი
ბელგია-რუმინეთი

ყოველდღიური სპორტული გაზეთი "ლელო"
495
მკითხველის კომენტარები / 0 /
მსგავსი ამბები
რუბრიკის სხვა სიახლეები
;