მილტონ ჰეიგი შოტლანდიასთან მატჩის შემდეგ: თავი ქართველად მიმაჩნია

შოტლანდიასთან 10:44 დამარცხების შემდეგ საქართველოს ნაკრების მთავარი მწვრთნელის მილტონ ჰეიგის შეფასება ასეთი იყო:

"გვესმის გულშემატკივრების იმედგაცრუება და ჩვენც, როგორც გუნდი, ასე ვგრძნობთ თავს. პირველი 30 წუთი ძალიან ცუდი იყო და უპირველესად ეს გვაქვს გამოსასწორებელი. ამ თამაშს გავაანალიზებთ, დავივიწყებთ და შემდეგ შეხვედრაზე მოვახდენთ კონცენტრირებას. გასახდელში იმაზე ვსაუბრობდით, რომ გამოსასწორებელი გვაქვს საწყის წუთებში დაშვებული შეცდომები და დისციპლინა, რადგან ძალიან ბევრჯერ დავჯარიმდით თამაშგარისთვის. ასევე გასათვალისწინებელია ის სისწრაფეები, რითაც შოტლანდია გვიტევდა".

ბორჯღალოსნები. საქართველო-შოტლანდია... ნარშავებმა დაგვჩხვლიტეს, ჩვენ ერთი ლელოთი ვუბწკინეთ [VIDEO]

"მეტოქემ თავიდანვე წნეხში მოგვაქცია და შეცდომები დაგვაშვებინა. 20 წუთში თამაშგარისთვის ბევრჯერ დავჯარიმდით, რის გამოც ქულები მივიღეთ. ვეთამაშებოდით ტიერ1-ის ძალიან კარგ გუნდ შოტლანდიას და ასეთ კარგ მეტოქესთან ეს შეცდომები უფრო მეტად ფასობს, ვიდრე სხვა გუნდთან. ამ თამაშით ძალიან ბევრს ვისწავლით. მოდით დავუფიქრდეთ ერთ რამეს - ჩავატარეთ ისტორიული შეხვედრა ტიერ1-ის გუნდთან და ერთ კვირაში ისევ ვეთამაშებით ტიერ1-ს. ასეთი რამ ქართული რაგბის ისტორიაში ჯერ არ ყოფილა".

"ამ შედეგის პირველი მიზეზი არის ის, რომ ასეთ გუნდებს ხშირად არ ვეთამაშებით. საწყისი 20 წუთი იმის ბრალია, რომ ტიერ1 ეთამაშებოდა ტიერ2-ს. მათ ხშირად აქვთ ასეთი დონის თამაშები, ჩვენ იშვიათად. ამის გამოსწორება შესაძლებელია ტიერ1-ის გუნდებთან ხშირი თამაშით".

შოტლანდიასთან თამაში ჰეიგისთვის ბოლო საშინაო მატჩი იყო ახალი ზელანდიელი მთავარი მწვრთნელისთვის, რომელიც გუნდს მსოფლიო თასის შემდეგ დატოვებს:

"ეს წლები ჩემთვის და ჩემი ოჯახისთვის წარმოუდგენელი და დაუვიწყარი იყო. ხშირად მითქვამს და განვმეორდები - ჩვენ საქართველო სამშობლოდ, ხოლო საკუთარი თავი ქართველებად მიგვაჩნია. 8 წელი ერთ ადგილას საცხოვრებლად პატარა დრო არ არის. მართალია ეს ის ანგარიში არ არის რომლის დაფიქსირებაც მსურდა საქართველოში ჩატარებულ ბოლო თამაშში, მაგრამ მინდა ვთქვა ერთი რამ: მინდა მადლობა გადავუხადო ქართველ ქომაგს, რომელიც მსოფლიოში მართლაც საუკეთესოა! მათ იციან მხარდაჭერა და ემოციას განსაკუთრებულად გამოხატავენ. მათგან ყოველთვის ვგრძნობდი განსაკუთრებულ სითბოს და სიყვარულს".

გოგიტა ბუხაიძის ფოტო

rugby.ge

6316
მკითხველის კომენტარები / 1 /
ნიკა
0
ნარიაშვილის სახეს შეხედეთ რაა, სულ მაინტერესებდა დიდგორი ვინც მოიგო ისინი რა ტიპის ქართველები იყვნენ? ერთ–ერთი ნარიაშვილი იყო :))
მსგავსი ამბები
რუბრიკის სხვა სიახლეები
;