მილტონ ჰეიგი: ჩემპიონები უნდა გავხდეთ

შაბათს, ქუთაისში, საქართველოს ნაკრები "რაგბი ევროპის ჩემპიონატის" პირველი ტურის მატჩში ბელგიის ეროვნულ გუნდს დაუპირისპირდება. გუშინ ნაკრების შემადგენლობაში მორიგი ცვლილებები განხორციელდა.

* გუნდის კაპიტანი მერაბ შარიქაძე ნაკრებს ბელგიასთან და
გერმანიასთან ვერ დაეხმარება.
* გუნდს დააკლდებიან ვიქტორ კოლელიშვილი, ანტონ ფეიქრიშვილი,
სოსო მათიაშვილი და სხვებიც.
* "ბორჯღალოსნების" ახალზელანდიელი მწვრთნელი მხოლოდ
ჩემპიონობას ისახავს მიზნად.

"ბორჯღალოსნები" მატჩისთვის შევარდენის სანაკრებო ბაზაზე ემზადებიან. გუნდის მთავარი მწვრთნელის მიერ დასახელებულ 36-კაციან გაფართოებულ შემადგენლობას სხვადასხვა მიზეზით რვა მორაგბე დააკლდა.

ესენია: კარლენ ასიეშვილი (ბრივი), ბადრი ალხაზაშვილი (ტულონი), ანტონ ფეიქრიშვილი (კარდიფი), ვიქტორ კოლელიშვილი (კლერმონი), გიორგი ბეგაძე (ლოკომოტივი). მერაბ შარიქაძე (ორიაკი), გიორგი კოშაძე (ხარები) და სოსო მათიაშვილი (კრასნი იარი).

"ეს არის გაფართოებული შემადგენლობა "რაგბი ევროპის ჩემპიონატის" პირველი ორი მატჩისთვის, რომელიც გამოცდილი და შედარებით ახალბედა მორაგბეებითაა დაკომპლექტებული.

რამდენიმე მოთამაშეს მსუბუქი ტრავმა აწუხებს და მათ დასვენების საშუალება მივეცით. თუმცა, მომდევნო სამი შეხვედრისთვის ისინი მზად იქნებიან.

ბელგია და გერმანია მნიშვნელოვნად პროგრესირებენ და არავითარ შემთხვევაში არ ვაპირებთ მათ დაუფასებლობას. მზად ვართ, რომ მატჩის დღეს ქომაგებს "ჩვენი თამაში" ვაჩვენოთ.

"რაგბი ევროპის ჩემპიონატი" ჩვენთვის მნიშვნელოვანი ტურნირია და მაქსიმუმს გავაკეთებთ, რათა 2018 წელს ჩემპიონები გავხდეთ" - თქვა რაგბის კავშირის ოფიციალურ ვებგვერდთან საუბრისას "ბორჯღალოსნების" მთავარმა მწვრთნელმა მილტონ ჰეიგმა.

საქართველოს ნაკრები

პირველი ხაზი: მიხეილ ნარიაშვილი (მონპელიე), ზურაბ ჟვანია (სტად ფრანსე), თორნიკე მატარაძე (ლიონი), შალვა მამუკაშვილი (ლოკომოტივი), გიორგი ჭყოიძე (ჯიქი), ლევან ჩილაჩავა (ტულონი), გიორგი მელიქიძე (სტად ფრანსე);

მეორე ხაზი: გიორგი ნემსაძე (ბრისტოლი), კონსტანტინე მიქაუტაძე (მონპელიე), ნოდარ ჭეიშვილი (შამბერი);
მესამე ხაზი: ლაშა ლომიძე (ლონდონ აირიში), გიორგი თხილაიშვილი (ბათუმი), ოთარ გიორგაძე (კლერმონი), გიორგი ცუცქირიძე (ორიაკი), მიხეილ გაჩეჩილაძე (ენისეი), გურამ შენგელია (ჯიქი);

#9: გელა აფრასიძე (მონპელიე), ვასილ ლობჟანიძე (ბრივი);
#10: ლაშა ხმალაძე (ბათუმი), რეზო ჯინჭველაშვილი (არმაზი), ლაშა მალაღურაძე (კრასნი იარი);
#12-13: დავით კაჭარავა (ენისეი), გიორგი კვესელაძე (არმაზი);
#11-14: ანზორ სიჭინავა (აკადემია), გიორგი ფრუიძე (კრასნი იარი), ალექსანდრე თოდუა (ლელო);
#15: მერაბ კვირიკაშვილი (ლელო), ბექა წიკლაური (ლოკომოტივი).

10 თებერვალი
საქართველო-ბელგია

17 თებერვალი
გერმანია-საქართველო

3 მარტი
საქართველო-ესპანეთი

10 მარტი
რუსეთი-საქართველო

18 მარტი
საქართველო-რუმინეთი

ყოველდღიური სპორტული გაზეთი "ლელო"
2215
მკითხველის კომენტარები / 0 /
მსგავსი ამბები
რუბრიკის სხვა სიახლეები