მილტონ ჰეიგმა რუმინეთთან მატჩისთვის შემადგენლობა იგივე დატოვა

საქართველოს მორაგბეთა ნაკრები კვირას, 18 მარტს, ეროვნულ სტადიონზე რუმინეთის ნაკრებს დაუპირისპირდება. ამ შეხვედრაში გაირკვევა, როგორც რაგბი ევროპის ჩემპიონატის გამარჯვებულის, ისე ანთიმოზ ივერიელის თასის მფლობელის ვინაობა.

"ბორჯღალოსნები", ტრადიციულად, "შევარდენის" სანაკრებო ბაზაზე შეიკრიბნენ და "სტეჟარისთან" მატჩისთვის ემზადებიან. ნაკრების მთავარმა მწვრთნელმა მილტონ ჰეიგმა გაფართოებულ შემადგენლობაში ისევ იმ მორაგბეებს უხმო, რომლებიც რუსეთთან მატჩისთვის ემზადებოდნენ. კრასნოდარში სერიოზულად არავინ დაშავებულა და გუნდში ცვლილება არ მომხდარა.

რაგბი ევროპის ჩემპიონის ტიტულის მოსაპოვებლად "ბორჯღალოსნებს" წაგებაც ყოფნით, ოღონდ, რუმინელებს ოთხი ლელოს გატანის საშუალება არ უნდა მისცენ, რადგან ასე "სტეჟარი" საპრემიო ქულას აიღებს და სატურნირო ცხრილში ქულების რაოდენობა გათანაბრდება. ამ შემთხვევაში, ურთიერთშეხვედრებში გამარჯვების გამო, პირველობა რუმინელებს დარჩებათ.

რუმინელებს დარჩებათ ანთიმოზ ივერიელის თასიც, რომელსაც "ბორჯღალოსნები" თბილისში მხოლოდ გამარჯვების შემთხვევაში დატოვებენ. ეს თასი ახლა რუმინეთის საკუთრებაა. ერთი სიტყვით, როგორც არ უნდა იყოს, შარშანდელი ბუქარესტული მარცხისთვის რევანშია ასაღები და ეს მატჩი მოსაგები.

შეგახსენებთ, რომ მატჩი კვირას, 16 საათზე დაიწყება.

საქართველოს ნაკრები

პირველი ხაზი: მიხეილ ნარიაშვილი (მონპელიე), კარლენ ასიეშვილი (ბრივი), შალვა მამუკაშვილი (ლოკომოტივი), ბადრი ალხაზაშვილი (ტულონი), ლევან ჩილაჩავა (ტულონი), ანტონ ფეიქრიშვილი (კარდიფი), გიორგი მელიქიძე (სტად ფრანსე);

მეორე ხაზი: გიორგი ნემსაძე (ბრისტოლი), შალვა სუთიაშვილი (ანგულემი), ნოდარ ჭეიშვილი (შამბერი);

მესამე ხაზი: ვიქტორ კოლელიშვილი (კლერმონი), გიორგი თხილაიშვილი (ბათუმი), ლაშა ლომიძე (ლონდონ აირიში), მიხეილ გაჩეჩილაძე (ენისეი), ოთარ გიორგაძე (კლერმონი), გიორგი ცუცქირიძე (ორიაკი);

#9: ვასილ ლობჟანიძე (ბრივი), გელა აფრასიძე (მონპელიე);
#10: ლაშა ხმალაძე (ბათუმი), რეზო ჯინჭველაშვილი (არმაზი);
#12-13: გიორგი კვესელაძე (არმაზი), გიორგი კოშაძე (ხარები), დავით კაჭარავა (ენისეი), ლაშა მალაღურაძე (კრასნი იარი);
#11-14: ალექსანდრე თოდუა (ლელო), ანზორ სიჭინავა (აკადემია), ბექა წიკლაური (ლოკომოტივი);
#15: მერაბ კვირიკაშვილი (ლელო), სოსო მათიაშვილი (კრასნი იარი).

V ტური

18 მარტი
საქართველო-რუმინეთი
ბელგია-ესპანეთი
გერმანია-რუსეთი

თ მ ფ წ ბ ქ(პ)
1. საქართველო 4 4 0 0 +144 19(3)
2. რუმინეთი 4 3 0 1 +127 14(2)
3. ესპანეთი 4 3 0 1 +80 13(1)
4. რუსეთი 4 1 0 3 +4 6(2)
5. ბელგია 4 1 0 3 -84 5(1)
6. გერმანია 4 0 0 4 -271 0(0)

ყოველდღიური სპორტული გაზეთი "ლელო"
1043
მკითხველის კომენტარები / 0 /
მსგავსი ამბები
რუბრიკის სხვა სიახლეები
;