ბასილაშვილი: ნადალი? საინტერესო ბრძოლას გპირდებით [ბლიც-ინტერვიუ]

ამერიკის ღია პირველობის 1/16 ფინალში არგენტინელი გუიდო პელას ძლევის შემდეგ ნიკოლოზ ბასილაშვილის მეტოქე მსოფლიოს ნომერ პირველი ჩოგანი რაფაელ ნადალი იაქნება.

პელასთან მატჩის დასრულების შემდეგ ბასილაშვილს ჟურნალისტებმა ჰკითხეს: მომავალი მოწინააღმდეგის მატჩის ანგარიშს თუ ადევნებდით თავლსო. ნიკამ მიიხედ-მოიხედა, სად უნდა მენახაო?

- ნადალიცა და ხაჩანოვიც ძლიერი სპორტსმენები არიან და რომელიც უნდა გავიდეს მომდევნო წრეში საინტერესო ბრძოლა მელის, - ასეთი იყო ბასილაშვილის პასუხი.

საბოლოოდ ნადლმა ხაჩანოვი 3:1 დაამარცხა და 1/8 ფინალში ნიკას დაუპირისპირდება. მატჩი 2 სექტემბერს თბილისის დროით 19 საათზე დაიწყება.

დავუბრუნდეთ ინტერვიუს, რომელიც კორტზევე შედგა:

- გუიდო პელასთან საწყისი ორი სეტი კარგად ჩავატარე. ყველაფერი მშვენივრად გამომდიოდა. სეტებში 2:0 უკვე დიდი ფსიქოლოგიური უპირატესობა იყო, თუმცა მესამე სეტი ცუდად წარიმრთა, მხოლოდ ერთი გეიმის მოგება მოვახერხე. ენერგია შემოვინახე და მეოთხეში ყველაფერი კარგად დასრულდა. 

ბასილაშვილს ჰამბურგის ღია პირველობის მოგება გაახსენეს, ქართველებისთვის ისტორიული მომენტი იყოო...

- ჩემთვის ასეთ შეჯიბრებაში გამარჯვება ძალინ ბევრს ნიშნავს. სასიამოვნოა, რომ ჩემი გულშემატკივრი გავახარე. ეს დამატებითი სტიმული იქნება მოლმავალში კიდევ უკეთ თამაშისთვის.

2314
მკითხველის კომენტარები / 0 /
მსგავსი ამბები
რუბრიკის სხვა სიახლეები