[VIDEO] გურამ თუშიშვილმა რუსი ბეჭებზე გააკრა და ევროპული ოლიმპიადის ჩემპიონია!

ძიუდოში, 100+ კილოგრამ წონით კატეგორიაში როგორც მოსალოდნელი იყო, გურამ თუშიშვილი ფინალში გავიდა, სადაც რუსეთის სახელით მოასპარეზე ტასოევს დაეჭიდა.

გურამი კიდევ ერთხელ ჩამორჩა, ტასოევმა ფეხი გამოჰკრა და ქართველი ჰაერში კატასავით დატრიალდა და საოცრად გადაურჩა იპონით დამარცხებას. მას მერე ერთი წუთიც არ გასულა, რომ თუშიშვილმა ხურდა დაუბრუნა, ჰაერში დაატრიალა და რუსი ტასოევი ბეჭებზე გააკრა. იპონი და ევროპული ოლიმპიადის ოქრო!

 შეგახსენებთ, რომ მინსკის თამაშების პირველ წრეში თუში თავისუფალი იყო, მეორეში რუმინელი სიმიონესკუ დაამარცხა, მესამეში (1/4 ფინალი) ქართველის მეტოქე პოლონელი სარნაცკი იყო, რომელმაც ჩვენიანთან იპონით დათმო.

გურამი ნახევარფინალში ჰოლანდიელ გროლს დაუპირისპირდა და თავიდან ვაზარი გაეპარა. შეიძლება ვაზარი არც იყო, მაგრამ არბიტრებმა დაუფიქრებლად მიანიჭეს ქულა ნიდერლანდელს.

რამდენიმე წამში გურამმა ეფექტური ილეთით წამოიღო მეტოქე, იპონზე გააკრა და ფინალში გავიდა. აესე, მსაჯებიანად, მსაჯებიანად, - გულიანად აღმოხდა ქართველ კომენტატორს, რომელიც ნახევარფიანლურ შეხვედრას უძღვებოდა.

4553
მკითხველის კომენტარები / 0 /
მსგავსი ამბები
რუბრიკის სხვა სიახლეები
;