მიოდრაგ ბოჟოვიჩი ჯანო ანანიძეზე: ძალიან მეცოდება... იმედია, კრილიაში კარიერის გადატვირთვა ექნება

"კრილია სოვეტოვის" ოფიციალურმა ვებგვერდმა მოსამზადებელი ეტაპი შეაჯამა. ცალკე დაახასიათეს ის ფეხბურთელები, რომლებიც გუნდს ამ ზაფხულს შეუერთდნენ, მათ შორის - ჯანო ანანიძე. საიტი წერს:

"კიდევ ერთი გარიგება, რომელიც ჩვენს კლუბსა და "სპარტაკს" შორის დაიდო - ქართველი ნახევარმცველის, ჯანო ანანიძის არენდა. ჯანო კარგად იცნობს მიოდრაგ ბოჟოვიჩს და "კრილიაში" პირველივე მატჩებიდან ნათელი გახდა, რომ მას არანაირი პრობლემა არ აქვს სამწვრთნელო შტაბსა და პარტნიორებთან ურთიერთგაგების მხრივ, მით უმეტეს, ახლა "კრილიაში" უკვე რამდენიმე ყოფილი სპარტაკელია. გავიხსენოთ "ქაისართან" მატჩი, რომელშიც ჯანომ თავისი პირველი გოლი გაიტანა "კრილიას" მაისურით, საგოლე პასი კი ექსსპარტაკელმა ალექსანდრ სამედოვმა გაუკეთა".

ამას გარდა, საიტი აქვეყნებს ინტერვიუს "კრილიას" მწვრთნელ მიოდრაგ ბოჟოვიჩთან, რომელიც ჯანოზეც ლაპარაკობს: "ანანიძეს, სამედოვსა და შიშკინს დიდი ხანია, ვიცნობ. ისინი ძალიან გამოცდილი და ხარისხიანი მოთამაშეები არიან. მათ შეუძლიათ, "კრილიას" ამ სეზონის მთავარი ამოცანის გადაჭრაში დაეხმარონ. დიახ, ჯანოს ჰქონდა დიდი პაუზა, რომელიც ტრავმებით იყო გამოწვეული. ძალიან მეცოდება... ის არის ტექნიკური და ნიჭიერი მოთამაშე. იმედი მაქვს, "კრილიაში" მას კარიერის გადატვირთვა ექნება. ჯანო ჯერ მხოლოდ 26 წლისაა და მჯერა, კვლავ ითამაშებს უმაღლეს დონეზე დიდი ხნის განმავლობაში".

1562
მკითხველის კომენტარები / 0 /
მსგავსი ამბები
რუბრიკის სხვა სიახლეები
;