მისტერ ბინი და SHOWTIME ARVELADZE: შოთას საუკეთესო გოლები 'აიაქსში' [VIDEO]

ELFVOETBAL-მა გამოაქვეყნა საინტერესო წერილი შოთა არველაძეზე. რა გასაკვირია, რომ ის დღემდე საინტერესო პერსონაა ჰოლანდიური მედიისთვის. თავის დროზე შოთა "აიაქსსა" და "ალკმაარში" ბრწყინავდა. მერე კი მწვრთნელადაც იმუშავა ამ ქვეყანაში.

"როცა "აიაქსში" მივედი, არავინ მიცნობდა. ამბობდნენ, სათამაშოდ "აიაქსის" დუბლებში მიდისო. "ფეისბუქი" და "ინსტაგრამი" კი არა, მაშინ ინტერნეტიც კი ცოტას ჰქონდა. "აიაქსის" ფეხბურთელებმა ჩემზე არაფერი იცოდნენ. მარტინ როიზერმა მომიძებნა მეტსახელი - "მისტერ ბინი". მაშინ მე არ ვიცოდი, ვინ იყო "მისტერ ბინი". ვნახე ტელევიზორში და ბევრი ვიხალისე. მერე showtime arveladze შემარქვეს. ეს უკვე უკვე ჩემი თამაშიდან მომდინარეობდა...

"აიაქსში" ყველა ძალიან მაფასებდა. ურთიერთობა მქონდა ისეთ შესანიშნავ ადამიანებთან, როგორებიც იყვნენ ბობი ჰარმსი და სეაკ ვოლფსი. ისინი იყვნენ სულით აიაქსელები. მე ისინი უკანასკნელ გზაზე გავაცილე. სამწუხაროდ, შარშან გარდაიცვალა იაკუბუ აბუბაქარი. ის გუნდისთვის მნიშვნელოვანი მოთამაშე გახლდათ. უკვე 1997 წლიდან გუნდში ახალგაზრდა ფეხბურთელები მოვიდნენ - ვან დერ ვაარტი, კივუ, იბრაჰიმოვიჩი, მაქსველი, ჰეიტინგა, სნეიდერი და სხვები...

ვერ დავემშვიდობე "აიაქსს" ისე, როგორც მინდოდა. ეჭვი გაჩნდა, რომ გადასახადებს ვმალავდი... კიდევ მქონდა ერთწლიანი კონტრაქტი კლუბთან. ამის მიუხედავად, აღარ შემეძლო გუნდში თამაში. წავედი "რეინჯერსში" და იქ დიდებული წლები გავატარე, მაგრამ "აიაქსი" მაინც გულში დამრჩა. გლაზგოში თამაშის შემდეგ ერთხელაც შემეძლო "აიაქსში" მისვლა, მაგრამ მარკუს როზენბერგზე გაკეთდა არჩევანი. მაშინ "აიაქსს" დენი ბლინდი ხელმძღვანელობდა. ასევე შესანიშნავი პერიოდი მქონდა "ალკმაარში", - ამბობს შოთა.

 

ყოველდღიური სპორტული გაზეთი "ლელო"
2331
მკითხველის კომენტარები / 0 /
მსგავსი ამბები
რუბრიკის სხვა სიახლეები