მიქსუ პაატელაინენი: ქართველები ლატვიის დაცვაში რასაც უნდოდათ, იმას აკეთებდნენ

ერთა ლიგის მეოთხე ტურში საქართველოსთან დამარცხების (3:0) შემდეგ ჩატარებულ პრესკონფერენციაზე ლატვიის ნაკრების მწვრთნელმა მიქსუ პალატელიანმა ჟურნალისტების კითხვებს უპასუხა.

"საქართველოსა და ლატვიის ნაკრებს შორის ძალიან დიდი განსხვავება იყო სათამაშო კლასში, მეტოქეს ჰყავს გამოცდილი და ნიჭიერი ფეხბურთელები, რომლებიც წამყვან ლიგებში თამაშობენ.

პირველი გოლი უყურადღებობით გავუშვით, მეორე გოლი კონტრშეტევის დროს გაგვიტანეს, ასეთ რაღაცებს უნდა ვაქცევდეთ ყურადღებას. მეტოქეს ჰყავს ინდივიდუალურად ძლიერი ფეხბურთელები, რომლებიც ჩვენს დაცვაში, რასაც უნდა იმას აკეთებდნენ, ჩვენ მეტი სათამაშო დისციპლინა გვმართებს.

საქართველოს ნაკრები თამაშობს ძალიან სწრაფად, მათ ჰყავთ ძალიან ტექნიკური ფეხბურთელები, თუმცა მე შემიძლია ჩვენი ნაკრების შეცდომები ასე მალე გამოვასწორო და მათზე უკეთესი გავხადო? ჩვენ გვაქვს გარკვეული პროგრესი, თუმცა ამას დრო სჭირდება. ჩვენ ყველა შეხვედრაში ვავითარებთ ჩვენ შესაძლებლობებს, თუმცა ამისთვის გაცილებით მეტი დროა საჭირო.

ჩვენ ბევრი გვაქვს სამუშაო, შედეგი ასე მარტივად არ მოდის, გგონიათ მე მომწონს ის რაც ჩვენს სტადიონზე მოხდა? ჩვენ უნდა მივბაძოთ ანდრეს ვანინს, რომელმაც პენალტი აიღო და შევეცადოთ იმაზე მეტი გავაკეთოთ, ვიდრე შეგვიძლია. არის ბევრი ნეგატივი, თუმცა გვაქვს პოზიტივებიც და ეს უნდა დავინახოთ.

ჩვენი ფეხბურთელები უნდა ფიქრობდნენ მოედანზე, თუმცა სამწუხაროდ ასე არ ხდება, ისინი რობოტებივით იქცევიან."

გალაქტიონ ესაკია რიგიდან

1200
მკითხველის კომენტარები / 0 /
მსგავსი ამბები
რუბრიკის სხვა სიახლეები
;