არჩევნები უკრაინაში: მიხაილო მეტრეველი - პროფლიგის დებულება ცენტრალურ სადაზვერვო სამსახურს წააგავს

უკრაინულმა გამოცემა „ტრიბუნამ“ პროფესიული ფეხბურთის ლიგის საპრეზიდენტო არჩევნებზე წერილი გამოაქვეყნა, სადაც დონეცკის „შახტარის“ მიერ წარდგენილი კანდიდატი მიხეილ მეტრეველი ნეგატიურად დაახასიათა - გამოცემის აზრით, ის მხოლოდ დონეცკელთა ინეტერესებს გაატარებს.

„დონეცკის „შახტარმა“ მეტრეველი იმიტომ წარადგინა, რომ პროფლიგაში საკლუბო ინტერესები გაატაროს თუ ორგანიზაციამ უკეთ იმუშავოს? ნუთუ დონეცკის კლუბისა და ლიგის ინტერესები ერთი და იგივე გახდა? თავად ვითარებაა საინტერესო, როდესაც ერთ-ერთი მხარე (მეორე კიევის „დინამოა“) ასახელებს კანდიდატს, კარგად არ ჟღერს. კომპრომისის იმედი კი არაა. წარმოგიდგენიათ სურათი - „დინამომ“ მხარი დაუჭირა „შახტარის“ კანდიდატს საპრეზიდენტო არჩევნებში? ჩვენ კი ამის წარმოსადგენი ფანტაზია არ გვაქვს“ - წერს „ტრიბუნა“.

წერილს მიხეილ მეტრეველი გამოეხმაურა: „კარგია, რომ დისკუსიები დაიწყო! ავტორს თითქმის ყველაფერში ვეთანხმები და მის ბევრ თვალსაზრისს ვიზიარებ. როდესაც კანდიდატურა წარვადგინე, არც კი ვიცოდი, რომ ეს კლუბის დახმარებით უნდა გამეკეთებინა. პრეზიდენტის არჩევნების დებულების წაკითხვა ჯერჯერობით ვერ მოვახერხე, სადაც ლაპარაკია პრეზიდენტის უფლებამოსილების, ფინანსური ანგარიშგების და სხვა მნიშვნელოვან საკითხებზე. ამით პროფესიული ფეხბურთის ლიგა ცენტრალურ სადაზვერვო სამსახურს წააგავს“.

რაც შეეხება მის ინტერესს და ორგანიზაციაში შემოსავლების გაზრდას, მეტრეველმა ამაზე მოკლედ უპასუხა: „თუ ტრიბუნის ავტორმა იცის, როგორ გააკეთოს შედარებითი ანალიზი, გამოიანგარიშოს შემოსავლის პოტენციური ზრდა - თქვენ შემოსავლის გაზრდის წინააღმდეგი ხართ?“

3594
მკითხველის კომენტარები / 0 /
მსგავსი ამბები
რუბრიკის სხვა სიახლეები
;