მიხეილ აშვეთია: ძალიან მძიმე სტარტი გვექნება... უკეთესი იქნება, ტორპედოში მოთამაშეთა 50-60% ადგილობრივი იყოს!..

ქუთაისის "ტორპედოს" მთავარმა მწვრთნელმა მიხეილ აშვეთიაგუნდის დაკომპლექტებაზე, სიახლეებსა და გეგმებზე ილაპარაკა. ის იმედოვნებს, რომ ტრადიციული კლუბი ნელ-ნელა ფეხზე დადგება - გუნდიც დაკომპლექტდება და შეთამაშებასაც მალევე მოახერხებს. აშვეთიამ განვლილი რთული პერიოდი ქუთაისის ტელეკომპანია "მეგა TV-სთან" ინტერვიუში გაიხსენა:

"ძალიან რთული პერიოდი გავიარეთ... იყო უხელფასობა, დაძაბულობა, გუნდის დაშლა და ხელახლა შეკრება... მაგრამ ყველას გვჯეროდა, რომ "ტორპედო" გადარჩებოდა და ასეც მოხდა. ეს ქუთაისელების დამსახურებაა, ყველა მხარდაჭერას გვიცხადებდა - სახელმწიფო, მერია და გუბერნიაც ამ საქმეში აქტიურად იყო ჩართული. ვიცოდით, რომ პრობლემები სწრაფად ვერ გადაწყდებოდა. თუმცა, ცუდი ის არის, რომ ეს პროცესი გაიწელა. მთავარია, "ტორპედო" გადარჩა და აქედან გამომდინარე, კარგი განწყობაა. შეძლებისდაგვარად, შევკრიბეთ ის საუკეთესო ფეხბურთელები, რომლებიც "ტორპედოს" გამოადგებ. 10 დღის წინ კლუბს ახალი მეპტრონე გამოუჩნდა და, ფაქტობრივად, ახალი გუნდი კეთდება. დასაკომპლექტებლად ძალიან მცირე დრო გვაქვს - 1 მარტს მზადყოფნაში უნდა შევხვდეთ. ვეცდებით, რომ ამ თამაშისთვის მაქსიმალურად მზად უნდა ვიყოთ", - ამბობს მიხეილ აშვეთია.

გუნდის ახალმა კაპიტანმა ვაჟა ტაბატაძემ იმ მიზეზებზე ილაპარაკა, რის გამოც გუნდი არ დატოვა: "ქუთაისის "ტორპედოს" გავარდანა არავისთვის სასიამოვნო არ იქნებოდა. ყველა - მერია, გულშემატკივრები, ფედერაცია - ფიქრობდა, გუნდი როგორმე გადარჩენილიყო. შემოთავაზებები მქონდა, ბევრი სირთულეც გამოვიარეთ, მაგრამ შინაგანად მჯეროდა, რომ "ტორპედო" გადარჩებოდა და ვამჯობინე, მომეცადა. გუნდის კაპიტნად ამირჩიეს, დისკომფორტი არ მაქვს, მაგრამ დიდი პასუხისმგებლობაა. იმედია, წელს კარგ შედეგ გვექნება, იმის მიუხედავად, რომ ახლშეკრებილი გუნდი ვართ".

აშვეთიამ "ტორპედოს" წლევანდელ მიზნებზე ილაპარაკა: "ჩვენი გუნდი სულ მოწინავე პოზიციებზე იყო და გულშემატკივარი წელსაც იმავეს მოითხოვს. ამაზე მუშაობა ყოველდღიურად მიმდინარეობს, მაგრამ მზადებაში ხელი ამინდებმაც შეგვიშალა. როცა ყველაფერი დალაგდა, მაინცდამაინც მაშინ გაავდრდა, მოედანზე 3-4 დღე ვერ გავდიოდით და ვარჯიში დარბაზში მოგვიხდა... რაც მთავარია, არ გავჩერებულვართ და ამხანაგური მატჩებიც გავმართეთ. ამის გამო ფოთში წავედით, რადგან ქუთაისში თოვლი იყო. ჩვენთვის ახლა მთავარი გუნდის შეთამაშებაა. შეკრებაზე ვერ წავედით და იმის ფუფუნება არ გვაქვს, ძლიერ მეტოქეებთან ვითამაშოთ. მომდევნო მატჩს თბილისის "მერანთან" ვგეგმავთ, მაგრამ ჯერ არ ვიცით, სად ვითამაშებთ. ვნახოთ, ქუთაისის ცენტრალურ სტადიონზე ბალახის საფარი რა მდგომარეობაში იქნება".

ბურთით ტორპედოს ახალი კაპიტანი ვაჟა ტაბატაძე


ქუთაისელთა თავკაცი ახალწვეულთა თემასაც შეეხო: "რამდენიმე გამოცდილი მოთამაშე დავიმატეთ. ბევრიც ახალგაზრდაა და მათ შანსი მიეცემათ, რათა დაამტკიცონ, რომ თამაშს იმსახურებენ. ლეგიონერებიდან მარკოვიჩი გვყავს, რომელსაც კარგ გუნდებში უთამაშია, ჩვენთან ერთად ვარჯიშობს. კიდევ ორი ლეგიონერის დამატება გვინდა, მაგრამ ამ ეტაპზე ჯერ მოლაპარაკება მიდის და ვნახოთ, როგორ დამთავრდება... საერთოდ, დიდი სამუშაო გავწიეთ და საკმაოდ კარგი ფეხბურთელების მოყვანა მოვასწარით. ისინი თავს დადებენ, რომ მაქსიმალურად კარგი შედეგი რომ ვაჩვენოთ. მაგრამ რამდენად გაამართლებენ, ამას დრო გვაჩვენებს. თუმცა, ვიტყვი, რომ ძალიან მძიმე სტარტი გვექნება, რადგან გუნდი შეუთამაშებელია და ჯერ ვერ იქნება იმ კონდიციაში, ჩვენ რომ გვინდა. მაგრამ ნელ-ნელა დავლაგდებით.

აშვეთიამ ჯერაც მოუგვარებელ საკითხებზე გაამახვილა ყურადღება: "ქუთაისის ცენტრალურ სტადიონზე კარგი მოედნის საფარია, რომელიც შეიცვალა. ჩვენს ბაზაზე კი ბევრი პრობლემაა - პრეზიდენტი მალე ჩამოვა და, ალბათ, მიხედავს. იქ ინფრასტრუქტურა, ფაქტობრივად, ხელახლაა გასაკეთებელი. ურთიერთობა ლამის ყოველდღე გვაქვს. მას სურს, რომ დაგვეხმაროს და პრობლემები ნელ-ნელა აღმოიხვრას. მადლობა მას, რომ "ტორპედოს" მძიმე დროს გვერდში დაუდგა. მადლობა ჩვენს გულშემატკივარს - ასეთი თანამდგომი ყველა გუნდს რომ ჰყავდეს, ფეხბურთი უფრო განვითრდება. აქციებით არავის მოდუნების საშუალებას არ აძლევდნენ, არც მერიას, არც სახელმწიფოს".

ქუთაისელთა მთავარი მწვრთნელის თქმით, კლუბის მეპატრონე ფაბიო მანინოსთან მოლაპარაკება საფეხბურთო აკადემიის გახსნაზე მიმდინარეობს: "ამაზე წინასწარი ვილაპარაკეთ. თბილისში ბევრი ნიჭიერი ბავშვი მიდის, რადგან მათ შესაჩერებლად ბერკეტები არ გვაქვს. ისეთ პირობებს სთავაზობენ, ვერ ვაკავებთ. არადა, აუცილებელია, აკადემია გაკეთეს. ახლა მცირედზეა ლაპარაკი. 2-3 ხელოვნურსაფარიანი მოედანი გვინდა, ბავშვები რომ გაიზარდონ. ერთ მოედანზე ვარჯიშს ყველა ვერ ასწრებს. მე რაც ვიცი, ჩვენი პრეზიდენტი აპირებს მინდვრების გაკეთებას და ფეხბურთის ფედერაციაც ქუთაისში საფეხბურთო აკადემიის გახსნას გეგმავს. ეს წელს იგეგმება, შესაძლოა, ლეგიონერი სხვა ქვეყნიდან ჩამოიყვანო, მაგრამ უკეთესი იქნება, "ტორპედოში" მოთამაშეთა 50-60% ადგილობრივი იყოს. ეს მცირე ფინანსებს არ მოითხოვს, მაგრამ ქუთაისსა და სხვა ქალაქებში რაც უფრო მეტი და კარგი აკადემია გაიხსნება, კონკურენციაც გაიზრდება და ქუთაისსა და ქართულ ფეხბურთს ძალიან წაადგება".

ვაჟა ტაბატაძე: "აკადემია კარგი იმით იქნება, რომ ბავშვებში კარგ პირობებში გაიზრდებიან, ელემენტარულად, ფორმებით და ბურთებით უზრუნველყოფილები იქნებიან. ქუთაისში ბევრი კარგი ბავშვია, რომლებიც სხვაგან მიჰყავთ. აკადემიის დაფუძნება მათ ადგილზე დააკავებს, ქუთაისის "ტორპედო" კი მომავალი თაობებით მომარაგდება".

2203
მკითხველის კომენტარები / 1 /
ჩოგანა გორელი
0
წარმატებები და წარმატებები
მსგავსი ამბები
რუბრიკის სხვა სიახლეები
;