მიხეილ ხარატი: თუ საფეხბურთო ნაკრებს სჭირდება, ბორჯღალოსნები რუსეთს ლოკომოტივზე ვუმასპინძლებთ

კარსმომდგარი სარაგბო ბატალიების შესახებ ჟურნალისტების კითხვებს რაგბის კავშირის მარკეტინგის სამსახურის ხელმძღვანელმა, მიხელ ხარატმა უპასუხა.

მთავარი შეკითხვა რუსეთთან მატჩის გამართვის ადგილს ეხებოდა. მოგეხსენებათ, 26 მარტს საქართველო ევრო 2020-ის საპლეიოფო მატჩში ბელარუსს ეთამაშება. მანამდე 12 დღით ადრე, 14 მარტს მორაგბეთა ნაკრები რუსეთს მასპინძლობს.

ასეთი რანგის შეხვედრები "დინამო არენაზე" იმართება ხოლმე, თუმცა, ამჯერად საქმე რთულადაა. საკითხავია, მოესწრება თუ არა სარაგბო დაპირისპირების შემდეგ 12 დღეში სტადიონის საფარის სათანადოდ მოწესრიგება. ამიტომ დღის წეს-რიგში დადგა "ბორჯღალოსნების" მატჩის სხვაგან გადადება.

მიხეილ ხარატმა სტადიონიც დაასახელა: თუ საჭირო იქნება, რუსეთთან მატჩს "ლოკომოტივის" სტადიონზე (მიხეილ მესხის სახელობის არენა) ვითამაშებთო. 

816
მკითხველის კომენტარები / 0 /
მსგავსი ამბები
რუბრიკის სხვა სიახლეები
;