მოდრიჩი რეალის განაცხადში ვერ მოხვდა. მილანი ახლოს არის?

ლუკა მოდრიჩი არ მოხვდა "რეალის" განაცხადში, რომელიც ზინედინ ზიდანმა "ზალცბურგთან" ოთხშაბათის ამხანაგური მატჩისთვის წარადგინა. "სამეფო კლუბმა" ოფიციალურ მიზეზად ტრავმა (კუნთი აქვს დაჭიმულიო) დაასახელა, თუმცა...

დაკვირვებული თვალი ყველაფერს ამჩნევს - ბოლო დღეებში მოდრიჩი გამუდმებით "ალაიქებს" სოცქსელში "მილანთან" დაკავშირებულ პოსტებს, მათ შორის, იმასაც, სადაც "როსონერის" შემადგენლობაში "უდინეზესთან" სერია A-ს სასტარტო ტურში მის დებიუტზეა ლაპარაკი.

დღეს სოცქსელები ჩვენი ცხოვრების სარკეა, იქ ყველაფერი, ან თითქმის ყველაფერი კარგად ჩანს და ამიტომაც არ იქნება გასაკვირი, თუ უახლოეს დღეებში "მილანი" 33 წლის ხორვატის ტრანსფერზე გამოაცხადებს.

არ იქნება გასაკვირი ისიც, თუ ზიდანი უარს იტყვის ასაკში შესული მოდრიჩის სამსახურზე იმ მოტივით, რომ მის ადგილზე რომელიმე ახალგაზრდა და უფრო პერსპექტიულ ფეხბურთელს მოიაზრებს.

793
მკითხველის კომენტარები / 0 /
მსგავსი ამბები
რუბრიკის სხვა სიახლეები
;